2020

◄ | 20. Jahrhundert | 21. Jahrhundert
◄◄ | ◄ | 2016 | 2017 | 2018 | 2019 | 2020 | 2021 | 2022 | 2023 | 2024 | ►

2020
In dr chinesische Stadt Wuhan bricht e Coronavirus-Epidemy uus, wu si zuen ere wältwyte Pandemy uuswytet.

2020 in andere Kaländer
Ab urbe condita	2773
Armenische Kaländer	1468–1469
Ethiopische Kaländer	2012–2013
Buddhistische Kaländer	2564
Chinesische Kaländer
– Ära	4716–4717 oder 4656–4657
– 60-Joor-Ziklus	Erd-Sau (己亥, 36)– Metall-Ratte (庚子, 37)
Hebräische Kaländer	5780–5781
Islamische Kaländer	1441–1442
Thai-Solar-Kaländer	2563

Was isch bassiert?

In dr chinesische Stadt Wuhan bricht die wältwyti Coronavirus-Pandemy 2019/2020 uus, wu dur SARS-CoV-2 verursacht wird.

1. Jänner: D Simonetta Sommaruga wird Bundespresidänt vu dr Schwyz.
1. Jänner: Kroatie ibernimmt d Rotsbresidäntschaft vu dr EU.
1. Jänner: Albanie ibernimmt d Bresidäntschaft vu dr OSZE.
10. bis 19. Jänner: Olympischi Winterspiil vo der Jugend z Lausanne
20. bis 23. Jänner: 50. Wältwirtschaftsforum uf Tafaas, Schwyz
22. bis 29. Jänner: 55. Soledurner Filmdäg
31. Jänner: S Verrainigt Chenigrych dritt us dr Europäische Union uus (Brexit).
5. Februar: Im dritte Wahlgang wird dr Thomas Kemmerich (FDP) mit Stimme vu dr CDU un dr AfD zum Minischterbresidänt vu Diiringe gwehlt. No massiver Kritik dritt er drei Dääg speeter wider zrugg.
9. Februar: Bi dr Volksabstimmig in dr Schwyz stimme 63,1 % vum Stimmvolch un s Mee vu dr Ständ (18 4/2 : 2 2/2) fir e Verbot vu dr Diskriminierig wäg dr sexuälle Orientierig (261^bis StGB un 171c vum Militeerstroofgsetz).
9. Februar: As erschti främdsprochigi Produktion in dr Gschicht vum Oscar chunnt dr sidkoreanische Býdrag Parasite vum Bong Joon-ho dr Bryys fir dr bescht Film iber.
10. Februar: Im Zämehang mit em Stryt um d Wahl vum FDP-Bolitiker Thomas Kemmerich zum Minischterbresidänt vu Diiringe mit Stimme vu CDU un AfD chindet d Annegret Kramp-Karrenbauer, ass si im Lauf vum Johr dr Barteivorsitz abgit un uf d Chanzlerkandidatur verzichtet.
19. Februar: In dr hessische Stadt Hanau verschießt e Mann nyyn Lyt in un vor zwoo Shishabar un uf dr Fahrt zwische beede Ort. D Opfer hän alli Migrationshintergrund ghaa. Speter sin är un sy Mueter in dr Wohnig vu syne Eltere dot ufgfunde wore. Dr Merder het vor däm Terroraaschlag e Pamphlet verfasst ghaa mit ere Mischig us militant rassistische un verschwerigstheoretische Motiv, wu drus firigoht, ass er umfassendi Vernichtigsphantasie ghaa het un unter Wahnvorstellige glitte het.
20. Februar bis 1. Merz: 70. Internationali Filmfeschtspiil Berlin
23. Februar: Bi dr Burgerschaftswahl z Hamburg wird d SPD mit 39,2 % sterkschti Bartei. Di Griene cheme mit 24,2 uf s zwaitbescht Ergebnis, wu si jee bi re dytsche Landdagswahl ghaa hän. D CDU chunnt mit 11,2 % uf s zwaitschlächscht Ergebnis, wu si jee bi re dytsche Landdagswahl ghaa het. Au im Landdag sin di Linke mit 9,1 % un d AfD mit 5,3 %. D FDP blybt mit 4,96 % an dr Fimf-Brozänt-Hurd hange.
28. Februar: As Maßnahm gege d Uusbraitig vu dr Coronavirus-Epidemy verbietet dr Schwyzer Bundesrot bis zum 15. Merz alli Großveraastaltige mit iber 1000 Lyt, unter anderem d Basler Fasnacht un dr Gämfer Auto-Salon.
5. bis 15. Merz: 89. Gämfer Auto-Salon, abgsait wäg dr Corona-Pandemy
11. Merz: D Schwyz macht wäg dr Corona-Pandemy nün chlini Gränzibergäng zue Italie im Tessin zue.
13. Merz: In dr Schwyz wäre alli Veraastaltige mit iber 100 Mänsche verbote.
15. Merz: Kommunalwahle z Bayern
15. Merz: Gmairots- un Burgermaischterwahle z Vorarlberg, wäg dr Corona-Pandemy verschobe uf dr 13. Septämber
16. Merz: Z Dytschland wäre wäg dr Coronavirus-Epidemy alli Schuele, Chindergärte un Chinderdagestätte zuegmacht. Derzue mien alli Gschäft un Läde zuemache, Uusname bilde Läde, wu fir d Grundversorgig wichtig sin (Läbes- un Fuetermittel, Wuchemärt, Apetheke, Drogerie, Tankstelle, Banke un anderi). Derzue wäre au alli Musee, Kino, Theater un Kunzärthyser, Schwimmbäder un Sportstätte zuegmacht. Reschtaurant un Café derfe z Dytschland nume no am Dag ufmache. Au Gottesdienscht sin in allne Chilche, Synagoge un Moschee verbote. Fir Chrankehyyser, Alte- un Bflääghaim gälte Bsuechsyyschränkige. An dr Gränze zue dr Nochberländer wäre wider Gränzkuntrolle yygfiert.
16. Merz: Au in dr Schwyz wäre wäg dr Coronavirus-Epidemy alli Schuele, Chindergärte un Chinderdagestätte zuegmacht. Derzue mien alli Gschäft un Läde zuemache, wu nit fir d Grundversorgig wichtig sin. Derzue wäre au alli Reschtaurant un Café, Musee, Kino, Theater un Kunzärthyser, Schwimmbäder un Sportstätte zuegmacht. I teil Bischtümer sind alli Mässe für d Pfarreie bis zmingscht 19. April abgseit worde.
16. Merz: Z Eschtrych wäre alli Skibiet zuegmacht. Alli Schuel wäre ab dr Oberstufe zuegmacht, ab em 18. Merz au alli andre Schuele. Alli Läde un Gschäft, wu nit fir d Grundversorgig wichtig sin, wäre zuegmacht. Reschtaurant un Café derfe nume no bis 15 Uhr ufhaa, ab em 17. Merz wäre si alli ganz zuegmacht. Derzue giltet fir alli Burger*ne e landeswyti Uusgangsspeeri. Nume us wichtigi Grind derf mer s Huus verloo. E Dail Regione wäre im Lauf vu dr Zyt au ganz unter Quarantäne gstellt.
17. Merz: D Staats- un Regierigsschef vu dr Europäische Union bschließe ne sofort wirksam 30-dägig Yyraisverbot fir Nit-EU-Burger*ne.
17. Merz: S Uuswärtig Amt spricht zum erschte Mol e wältwyti Raisewarnig uus.
22. Merz: Z Dytschland ainige sich Bund un Länder uf e bundeswyt „umfassend Kontaktverbot“. Reschtaurant un Café derfe au am Dag nimi ufmache. Z Bayern giltet scho syt em 20. Merz e landeswyti Uusgangsspeeri.
27. Merz: Nordmazedonie wird Mitglid vu dr NATO.
29. Merz: Friburg-Marathon, abgsait wäg dr Corona-Pandemy
26. April: Züri Marathon, abgsait wäg dr Corona-Pandemy
28. April bis 3. Mai: 74. Tour de Romandie, abgsait wäg dr Corona-Pandemy
12. bis 16. Mai: Eurovision Song Contest z Rotterdam, Niderlande, abgsait wäg dr Corona-Pandemy
16. Mai: Di dütschi Fuessball-Bundesliga wird nach em Corona-Underbruch als einzigi Sportart z Dütschland wider ufgno. Es finde nur Geisterspil statt.
25. Mai: Z Minneapolis, USA stirbt dr Afroamerikaner George Floyd bi me Bolizeiyysatz. Sy Dood lest e großi Proteschtwälle in dr USA un andere Dail vu dr Wält uus.
6. bis 14. Juni: 84. Tour de Suisse, abgsait wäg dr Corona-Pandemy
12. Juni bis 12. Juli: Fueßball-Europamaischterschaft vu dr Manne, uf 2021 verschobe wäg dr Corona-Pandemy
18. bis 21. Juni: Art Basel, abgsait wäg dr Corona-Pandemy
3. bis 18. Juli: 54. Montreux Jazz Festival, abgsait wäg dr Corona-Pandemy
1. Juli: Dytschland ibernimmt d Rotsbresidäntschaft vu dr EU.
5. Juli bis 2. Augschte: 27. Stimme-Feschtiwäl z Löörech, abgsait wäg dr Corona-Pandemy
15. Juli bis 2. Augschte: 38. Zelt-Musik-Festival, Friburg, abgsait wäg dr Corona-Pandemy
22. Juli bis 23. Augschte: 74. Breagazer Feschtspiil, abgsait wäg dr Corona-Pandemy
24. Juli bis 9. Augschte: Olympischi Summerspiil z Tokio, Japan, uf 2021 verschobe wäg dr Corona-Pandemy
8. Augschte: Street Parade z Züri, abgsait wäg dr Corona-Pandemy
9. Augschte: Bi dr Bresidäntschaftswahl z Wyssrussland gwinnt dr amtierend Bresidänt Aljaksandr Lukaschenka no offiziälle Aagabe mit 80 % vu dr Stimme. D Wahl giltet as Schynwahl, wil relevanti Gegekandidate im Vorfäld feschtgnuu wore sin un Wahlmanipulatione hän chenne noogwise wäre. Im Aaschluss an d Wahl zchunnt s zue landeswyte Proteschte. Döuserti Demonschtrante wäre verhaftet.
29. Augschte bis 20. Septämber: 107. Tour de France, vu Juni/Juli verschobe wäg dr Corona-Pandemy
4. Septämber: Im Schwyzer Kanton Tessin wird s Ceneri-Basistunäll, e Dail vum Großprojäkt NEAT, ufgmacht.
27. Septämber: Bi dr Volksabstimmig in dr Schwyz stimme 61,7 % vum Stimmvolch un s Mee vu dr Ständ (17 5/2 : 3 1/2) gege d Volksinitiative «Für eine massvolle Zuwanderung (Begrenzungsinitiative)».
3. bis 25. Oktober: 103. Giro d’Italia, vu Mai verschobe wäg dr Corona-Pandemy
4. Oktober: Bi me Unabhängigkaitsreferendum z Neikaledonie stimme 53,3 % for dr Verblyb bi Frankrych bi re Wahlbedaligung vu rund 86 %. S isch no 1958, 1987 un 2018 s viert Unabhängigkaitsreferendum gsii.
8. bis 18. Oktober: 78. OLMA Schweizer Messe für Landwirtschaft und Ernährung z Sanggale, abgsait wäg dr Corona-Pandemy
11. Oktober: Schwarzwald-Marathon z Briilinge, abgsait wäg dr Corona-Pandemy
31. Oktober: De Flughaafe Berlin Brandeburg wird ereffnet, noch ere Bauzyt vu 14 Johr und Keste vu rund sibi Milliarde Euro.
Novämber: Di 26. UN-Klimakumferänz (COP 26 / CMP 16 / CMA 3) wu z Glasgow (Schottland) blant gsii isch, wird wäg dr Corona-Pandemy verschobe ins Johr 2021
3. Novämber: Bi dr Bresidäntschaftswahl in dr USA gwinnt dr Demokrat Joe Biden gege dr republikanisch Amtsinhaber Donald Trump. Är wird Är wird im Jänner 2021 dr 46. Bresidänt.
21./22. Novämber: G20-Gipfel z Riad, Saudi-Arabie
29. Novämber. Bi dr Volksabstimmig iber d Volksinitiative «Für verantwortungsvolle Unternehmen – zum Schutz von Mensch und Umwelt» in dr Schwyz stimme 50,73 % fir d Inititative, d Ständ stimme aber mit 12 5⁄2 zue 8 1⁄2 dergege.

Gstoorbe

1. Jänner: Martin Bundi, Schwiizer Historiker und Politiker
7. Jänner: Fritz Hans Schweingruber, Schwyzer Dendrochronolog
13. Jänner: Hermann Heidegger, dytsche Hischtoriker
18. Jänner: Urs Egger, Schwyzer Regisseur
19. Jänner: Olifr M. Guz, Schwyzer Rockmusiker
26. Jänner: Hansfrieder Geugelin, dytsche Dialäktautor
26. Jänner: Kobe Bryant, US-armerikanische Basketballspiler
30. Jänner: Johannes Geiss, dytsch-schwyzerische Physiker
1. Februar: Elisabeth Schnell, Schwyzer Radiomoderatori un Schauspiileri
7. Februar: Li Wenliang, chineesische Dokter, gstoorben a dr Koronavirus-Epidemy 2020
3. Merz: Guy P. Marchal, Schwyzer Historiker
12. Februar: Marlies Graf-Dätwyler, Schwyzer Filmmacheri
24. Merz: Albert Uderzo, franzesische Zaichner un Miterfinder vu dr Asterix-Comic
29. Merz: Krzysztof Penderecki, polnische Kumpenischt
6. April: Jean-Marie Zoellé, elsässische Kommunalbolitiker
15. April: Rolf Rosendahl, dytsche Lehrer, Chinschtler un Musiker
20. April: Roland Phleps, dytsche Neurolog un Bildhauer
23. April: Norbert Blüm, dytsche Bolitiker
1. Mai: Georg Kleis, dytsche Dialäktdichter
1. Mai: Simon Schenk, Schwyzer Bolitiker un Yyshockeytrainer
2. Mai: Idir, algerische Musiker
9. Mai: Little Richard, US-amerikanische Rock-’n’-Roll-Musiker
4. Juni: Wolfgang Kleiber, dytsche Sprochwisseschaftler
4. Juni: Rudolf Scheurer, dytsche Bildhauer
18. Juni: Adelheid Studer-Thiersch, Schwyzer Ornithologi
26. Juli: Hans-Jochen Vogel, dytsche Bolitiker
28. Juli: Bruno Schäuble, dytsche Dokter un Autor
5./6. Augschte: Werner Düggelin, Schwyzer Theaterregisseur
8. Augschte: Konrad Steffen, Schwyzer Glaziolog
19. Augschte: Helmut Hubacher, Schwyzer Bolitiker un Autor
19. Augschte: Karl Imfeld, Schwyzer Pfarrer, Volkskundler un Schriftsteller
3. Septämber: Dorothea Liebermann-Meffert, dytschi Chirurgi
6. Septämber: Walter Bigler, Schwyzer Prokurischt und Mundartforscher
5. Septämber: Fritz Oser, Schwyzer Religionspedagog un Psicholog
23. Septämber: Juliette Gréco, franzesischi Schansonsängeri un Schauspileri
15. Oktober: Frank Günther, dytsche Ibersetzer
18. Oktober: René Felber, Schwyzer Bolitiker un Bundesrot
21. Oktober: Ulrich Fischer, dytsche Theolog un evangelische Landesbischof
23. Oktober: Christel Peschke, dytschi Schauspiileri
25. Oktober: Fritz Gallati, Schwyzer Velorännfahrer
25. Oktober: Thomas Oppermann, dytsche Bolitiker
30. Oktober: Doris Oswald, dytschi Mundartdichteri
19. Novämber: Khadim Hussain Rizvi, pakischtanische Prediger
22. Novämber: Doris De Agostini, Schwyzer Skirännfahreri
25. Novämber: Diego Maradona, argentinische Fueßballer
2. Dezämber: Valéry Giscard d’Estaing, franzesische Bolitiker
7. Dezämber: Eduard Seidler, dytsche Medizinhischtoriker
11. Dezämber: Gotthilf Fischer, dytsche Chorlaiter
16. Dezämber: Flavio Cotti, Schwyzer Bolitiker un Bundesrot

Rund um di alemannische Dialäkt

Concours «d’Stìmme»
E Friehjohr fer unseri Sproch – im gànze Elsass
Lohrer Murre 2020

31. Jänner: „Runder Tisch Dialekt“ im Kultusminischterium Bade-Wirttebärg
5. bis 22. Merz: 45. Reidlenger Mundart-Woche, dailwys verschobe uf s Spotjohr wäge dr Coronavirus-Pandemy
27. bis 29. Merz: 31. Internationale Schopfheimer Mund-Art Literatur-Werkstatt, verschobe uf s Spotjohr 2021 wäge dr Coronavirus-Pandemy
3. un 17. April: Haigerlocher Mundarttage, Hoagerloch, abgsait wäge dr Coronavirus-Pandemy
1. Mai: Mundartnacht «gägäWärt», Soledurn, findet wäg dr Coronavirus-Pandemy as Radionacht am 13. Mai statt.
16./17. Mai: 10. Mundarttage Bad Bellingen, abgsait wäge dr Coronavirus-Pandemy
14. bis 16. Augschte: Summerlied, verschobe uf 2021 wäge dr Coronavirus-Pandemy
5. Septämber: Mitgliderversammlig vu dr Muettersproch-Gsellschaft, Fryburg, verschobe vum 18. April wäge dr Coronavirus-Pandemy

Weblink

Commons: 2020 – Sammlig vo Multimediadateie