ensemble recherche

S ensemble recherche isch e aachtchepfig Solischtenensemble, wu vor allem Wäärch vu dr zytgnessische Musik interpretiert. S isch anne 1985 grindet woore un het sy Standort z Fryburg im Brysgau.

Musikalisch Wiirke

S Repertoire het sy Schwäärpunkt in dr Musik vum 20. un 21. Joorhundert un deckt doderby s Späktrum vu dr klassische Modäärni iber d Darmstädter Schuel bis zue dr Geegewaartsmusik ab, mänkmool wäären aber au Wäärch us dr Zyt 1700 us zytgnessischer Siichtwyys interpretiert.

S Ensemble zaichnet si uus dur e uusdeent Konzärtiere, z Fryburg dien syni Mitgliider e aigeni Kunzärtraie veraastalte. Driber uus wiirke si bi Film-, Heerfunk- un Musiktheaterprojäkt mit, gän Inschtrumäntal- un Kumpenischtekiirs (z Fryburg, uf dr Darmstädter Feeriekiirs, an Musikhoochschuele) un dien a effetli proobe. Si hän bishäär iiber 50 CD vereffetligt.

Di aigene Aageboit fir jungi Kumpenischte: Klasseⁿ Arbeit, international ausgerichtet, un "Die Zukunft beginnt um 19.15 Uhr!", aabunde an d Fryburger Kunzärt.

Zäme mit em Fryburger Barockorcheschter duet s ensemble recherche all Joor d Ensemble-Akademy Fryburg veraastalte.

Zurzyt (Stand 2020) bstoot s Ensemble us Melise Mellinger (Violine), Paul Beckett (Viola), Åsa Åkerberg (Violoncello), Mario Colli (Fleete), Eduardo Olloqui (Oboe), Shizuyo Oka (Klarinette), Christian Dierstein (Schlaagzyyg) un Klaus Steffes-Holländer (Klavier).

S Management bstoot us: Dr. Sabine Franz (Dramaturgy) un Dipl.-Verw.wiss. Tanja Ratzke (Chaufm. Gschäftsfierig). Projäktmanagement: Beate Rieker.

Syt Mai 2012 het s Ensemble sy Haimet zäme mit em Fryburger Barockorcheschter im nei böuene Ensemblehuus Fryburg mit Biro- un Proobryym näbe dr alte Stadthalle un in dr Noochberschaft zue dr Musikhochschuel.

S ensemble recherche isch unter anderem Bryysdreeger vum Schneider-Schott-Musikbryys Mainz 1995, vum Musikbryys vum Rheingau-Festival 1997 un vum Reinhold-Schneider-Bryys vu dr Stadt Fryburg (2018).

Weblink

Websyte vum ensemble recherche

Dä Artikel basiert uff ere fräie Übersetzig vu dere Version vum Artikel „Ensemble_recherche“ vu de dütsche Wikipedia. E Liste vu de Autore un Versione isch do z finde.