Tom Wilkinson

Tom Wilkinson
L'actor britanico Tom Wilkinson, en una imachen de l'anyo 2009 mientres a presentación de Duplicity.
Información cheneral
Nombre real	Thomas Geoffrey Wilkinson
Calendata naiximiento:	5 de febrero de 1948
Puesto naiximiento:	Leeds (Yorkshire de l'Ueste, Reino Uniu)
Calendata muerte:	30 d'aviento de 2023
Puesto muerte:	Londres (Gran Londres, Reino Uniu)
Ocupación:	Actor
Alma Máter	Universidat de Kent Reyal Academia d'Arte Dramatico
Pai:	Thomas Wilkinson
Mai:	Marjorie
Conchuche:	Diana Hardcastle ​(1988-)
Fillos:	2
Premios Oscar
Premio Oscar a lo Millor Actor: -2002: Nominau por In the Bedroom Premio Oscar a lo Millor Actor Segundario: -2008: Nominau por Michael Clayton
Globos d'Oro
Premio Globo d'Oro a lo Millor Actor en Miniserie de Televisión u Telefilm: -2004: Nominau por Normal -2009: Nominau por Recount Premio Globo d'Oro a lo Millor Actor Segundario: -2008: Nominau por Michael Clayton Premio Globo d'Oro a lo Millor Actor Segundario en Serie de Televisión, Miniserie u Telefilm: -2009: por John Adams
Premios BAFTA
Premio BAFTA a lo Millor Actor Segundario: -1998: por The Full Monty -1999: Nominau por Shakespeare in Love -2008: Nominau por Michael Clayton Premio BAFTA a lo Millor Actor: -2002: Nominau por In the Bedroom

Thomas Geoffrey Wilkinson, naixiu de Leeds (Yorkshire de l'Ueste, Reino Uniu) lo 5 de febrero de 1948 y falleixiu lo 30 d'aviento de 2023 en Londres (Gran Londres, Reino Uniu), ye un actor britanico, activo en o cine britanico (y dimpués en o cine internacional) dende meyaus d'os anyos 1970 dica meyaus d'os anyos 2020 y con cuantos premios y nominacions recibius mientres a suya carrera cinematografica.

D'entre la suya filmografía como actor, pueden mencionar-se bellas cintas a on i treballó, como Parker (1984, Jim Goddard), In the Name of the Father (1993, Jim Sheridan), Prince of Jutland (1994, Gabriel Axel), Sense and Sensibility (1995, Ang Lee), The Full Monty (1997, Peter Cattaneo), Shakespeare in Love (1998, John Madden), The Patriot (2000, Roland Emmerich), The Importance of Being Earnest (2002, Oliver Parker), Batman Begins (2005, Christopher Nolan), Michael Clayton (2007, Tony Gilroy), Valkyrie (2008, Bryan Singer), Duplicity (2009, Tony Gilroy), The Ghost Writer (2010, Roman Polanski), The Best Exotic Marigold Hotel (2011, John Madden), The Grand Budapest Hotel (2014, Wes Anderson), Bone in the Throat (2015, Graham Henman), Snowden (2016, Oliver Stone), u The Happy Prince (2018, Rupert Everett).

Premios

Premios Oscar

L'actor Tom Wilkinson fue nominau a lo Premio Oscar a lo Millor Actor l'anyo 2002 durant a 74^ena edición d'os Premios Oscar, por o suyo papel de "Dr. Matt Fowler" en a cinta In the Bedroom, dirichida por Todd Field.

Tamién fue nominau a lo Premio Oscar a lo Millor Actor Segundario, l'anyo 2008 en a 80^ena edición d'os premios, ista vegada por a suya actuación como "Arthur Edens" en Michael Clayton, una cinta que heba dirichiu Tony Gilroy.

Premios BAFTA

Tom Wilkinson ganó un Premio BAFTA a lo Millor Actor Segundario en 1998 demientres a 51^ena edición d'os Premios BAFTA, por o papel de "Gerald Arthur Cooper" en a cinta The Full Monty, dirichida por Peter Cattaneo; recebindo con posterioridat atras dos nominacions en ista mesma categoría d'oa premios BAFTA: l'anyo 1999 (52^ena edición) por o papel de "Hugh Fennyman" en a cinta Shakespeare in Love, dirichida por John Madden, y en l'anyo 2008 en a 61^ena edición d'os BAFTA, por a interpretación d'"Arthur Edens" en a cinta Michael Clayton, dirichida por Tony Gilroy.

Recibió una atra nominación, ista vegada en a categoría d'o Premio BAFTA a lo Millor Actor, en l'anyo 2002 en a 55^ena edición d'os BAFTA, por o suyo papel como "Dr. Matt Fowler" en a cinta In the Bedroom, que heba dirichiu por Todd Field.

Premios Globos d'Oro

Fue nominau a lo Premio Globo d'Oro a lo Millor Actor en Miniserie de Televisión u Telefilm en l'anyo 2004, durant a 61^ena edición d'os Premios Globos d'Oro, por a suya interpretación d'o personache de "Roy / Ruth Applewood" en Normal, un telefilm dirichiu por Jane Anderson.

Recibió una atra nominación, ista vegada a lo Premio Globo d'Oro a lo Millor Actor Segundario, en l'anyo 2008 en a 65^ena edición d'os Globos d'Oro, por a suya interpretación d'o personache d'"Arthur Edens" en a cinta Michael Clayton, que heba dirichiu Tony Gilroy.

Ganó lo suyo primer (y unico) Globo d'Oro en a categoría d'o Premio Globo d'Oro a lo Millor Actor Segundario en Serie de Televisión, Miniserie u Telefilm en l'anyo 2009, durant a 66^ena edición d'os premios, en interpretar a "Benjamin Franklin" en a miniserie de televisión John Adams, dirichida por Tom Hooper.

Finalment, recibió la suya segunda nominación a lo Premio Globo d'Oro a lo Millor Actor en Miniserie de Televisión u Telefilm tamién en a 66^ena edición d'os Globos en 2009, en interpretando a "James Baker" en o telefilm Recount, dirichiu por Jay Roach.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Tom Wilkinson.

Vinclos externos

• Se veigan as imáchens de Commons sobre Tom Wilkinson.
• (en) Tom Wilkinson en Internet Movie Database.
• (en) Tom Wilkinson en Screenonline d'o British Film Institute.
• (en) Tom Wilkinson en Discogs.

• Datos: Q211322
• Multimedia: Tom Wilkinson / Q211322