Das Kapital
| Das Kapital | |
|---|---|
|
| |
| obra lliteraria | |
| Datos | |
| Autor | Karl Marx |
| Fecha | 1867 |
| Xéneru | ensayu |
| Llingua de la obra | alemán |
| País orixinal |
|
| Formáu por |
Das Kapital, tomu I Das Kapital, tomu II Das Kapital, tomu III |
El capital: crítica de la economía política (n'alemán: Das Kapital. Kritik der politischen Ökonomie, pronunciáu /das kapiˈtaːl kʁɪˈtiːk deːɐ poˈliːtɪʃən økonoˈmiː/ //; 1867-1883) ye un testu teóricu fundamental na filosofía, economía y política de Karl Marx. Como reza'l so subtítulu: una investigación crítica de la economía política; coles mesmes, foi tamién lleíu como una obra de filosofía, como un tratáu d'economía, o como un tratáu políticu sobre les rellaciones de dominación ente les clases, d'un llau los proletarios y d'otru los burgueses.[1] Marx pretendía revelar los patrones económicos que sofiten el "mou de producción capitalista" en contraste colos fisiócratas (François Quesnay) y los economistes clásicos (Adam Smith, Jean-Baptiste Say y David Ricardo).
Y la finalidá última d'esta obra —diz Marx nel prólogu a El Capital— ye, n'efectu, afayar la llei económica que preside'l movimientu de la sociedá moderna", esto ye, de la sociedá capitalista, burguesa. L'estudiu de les rellaciones de producción d'una sociedá dada, históricamente determinada, na so apaición, desenvolvimientu y decadencia: tal ye'l conteníu de la doctrina económica de Marx. Na sociedá capitalista impera la producción de mercancíes; por eso, l'analís de Marx empieza col analís de la mercancía.
L'estudiu de Marx sobre la economía política empezó na década de 1840, influyíu polos trabayos de los economistes clásicos. Les sos primeres obres, ente elles los Manuscritos económicos y filosóficos de 1844 y La ideoloxía alemana (1846, xuntu con Engels), sentaron les bases de la so teoría del materialismu históricu, que postula que la estructura económica d'una sociedá (en particular, les fuerces productives y rellaciones de producción) ye l'actor más crucial na configuración de la so naturaleza. En llugar d'una simple descripción del capitalismu como modelu económicu , El capital esamina el sistema como una época histórica y un mou de producción, y busca rastrexar los sos oríxenes, desenvolvimientu y decadencia. Marx argumenta que'l capitalismu nun ye transhistóricu, sinón una forma d'organización económica que surdió y desenvolvióse nun contestu históricu específicu, y que contien contradicciones qu'inevitablemente van conducir a la so cayida y colapsu.
Según Marx, El capital ye xuna obra científica basada nuna estensa investigación y xuna crítica tantu al capitalismu como a los economistes burgueses qu'argumenten que ye eficiente y estable. L'elementu central del análisis de Marx sobre'l capitalismu n'El capital ye la so teoría del plusvalor, el trabayu asalariáu que los capitalistes estrayen de los trabayadores pa xenerar beneficios. Tamién introduz el conceutu de fetichismu de la mercancía, describiendo cómo los mercaos capitalistes escurecen les rellaciones sociales detrás de les transacciones económiques, y argumenta que'l capitalismu ye inherentemente inestable debíu a les sos contradicciones internes, lo que conduz a crisis cícliques.
La obra foi publicada en trés tomos. El Tomu I . El procesu de producción del capital (1867) centrase na producción y na esplotación llaboral; el Tomu II. El procesu de circulación del capital (1885) esamina la circulación de capitales y les crisis económiques; y el Tomu III. El procesu global de la producción capitalista o el procesu de producción capitalista, nel so conxuntu (1894) esquiza la distribución del plusvalor ente los actores económicos y l'enclín decreciente de la tasa de ganancia.
Magar Marx nun vivió pa publicar la segunda y tercer parte de la obra, dambes fueron completaes a partir de les sos notes y publicae dempués de la so muerte pol so compañeru Friedrich Engels. Marx nunca llegó a completar El Capital; "inclusive el primer volume de la obra nun ta disponible n'una versión de la que pueda dicise que ye una edición que correspondería a los últimos deseos del autor", sorraya Thomas Kuczynski.[2] Presentáronse munches razones porqué la obra quedó inacabada, ente elles la so mala salú, los sos compromisos torgaron la so investigación y la busca de material nuevo pa fundamentar les sos teoríes.[3][4] Hasta qué puntu los trés volumes d'El Capital siguen el plan orixinal del autor ye un tema revesosu.[5][6][7] Un cuartu tomu tituláu Teoríes sobro la plusvalía foi completáu y publicáu dempués de la muerte d'Engels pol filósofu marxista Karl Kautsky.
El capital ye el llibru de ciencies sociales más citáu anterior a 1950.[8] Dende la so publicación El Capital foi traducíu en dellos idiomes como'l rusu, francés, italianu, polacu, danés, español, inglés, portugués, vietnamita, xaponés, mandarín, árabe y farsi. En 2013, la UNESCO rexistró'l primer tomu d'El capital xuntu col Manifiestu comunista nel Programa Memoria del Mundu.[9] Per otru llau, El capital tamién recibió crítiques. Por casu, hai teóricos qu'afirmaron qu'esti testu yera incapaz de reconciliar la esplotación capitalista colos precios que dependen de los deseos suxetivos nes rellaciones d'intercambiu (vease Problema del tresformamientu).
Hestoria de la publicación
[editar | editar la fonte]

Ente 1861 y 1863, Marx trabayó nuna intensa investigación y na redaición d'un estensu manuscritu (que darréu foi publicáu sol títulu Teoríes sobro la plusvalía). Sobro esti trabayu desenvolvió'l plan de redactar ente 1863 y 1865 los manuscritos p'una obra independiente de trés llibros col enfotu de dar "un golpe a la burguesía del cual nun se recuperará enxamás".[3][11] La investigación de la lliteratura políticu-económica disponible riquió-y dolce años, realizándola polo regular na Biblioteca Británica de Londres.
Marx esplicó nel prólogu de la edición alemana del primer tomu de 1867 que la so intención yera publicar un segundu tomu del "procesu de circulación del capital (llibru II) y de los aspeutos del procesu nel so conxuntu (llibru III)"; y un tercer tomu sobro "la hestoria de la teoría".[12] Marx solo algamó a publicar en vida la versión alemana del primer llibru d'El capital, con Otto Meissner de Hamburgo como editor, n'una tirada inicial de 1000 exemplares en 1867, dedicáu a Wilhelm Wolff.[13] La edición orixinal alemana nun aportó a ser prohibida pol Comité Central de Censores de Publicaciones Estranxeres.[14]
La segunda edición alemana d'esti llibru , correxida y aumentad , foi dirixida por Marx ya impresa por fascículos ente 1872 y 1873][15] Tamién en 1872 publicóse la primer traducción rus . Ente 1872 y 1875 Marx preparó la versión frances .[1] Dempués de la muerte de Marx foi publicada una tercer edición «aumentada» del primer tomu al cargu de Engels en 1883 y delles traducciones de la obra a partir de los manuscritos que Marx dex .[15]
Los dos llibros del segundu tomu mentáu fueron estremaos por Engels en dos tomos y publicaos en 1885 y 1894 respeutivamente. Tres la muerte d'Engels, Karl Kautsky "publicó en 1914 xuna edición popular (Volksausgabe), que conoció numberoses reimpresiones".[15] Mientres el periodu de posguerra de la Segunda Guerra Mundial publicóse una edición alemana de los trés tomos dientro de les Marx-Engels-Werke basaos na traducción rusa del Institutu Marx-Engels-Lenin de 1932.[15]
A lo último, el "tercer tomu" al que Marx refirióse diba ser publicáu como "llibru cuartu" d'El capital por Engels pero foi finalmente publicáu como xuna obra estreme sol nome Teoríes sobro la plusvalía por Karl Kautsky ente 1905 y 1910.[15][16]
Ediciones d'Engels
[editar | editar la fonte]
Friedrich Engels, collaborador y amigu de Marx, taba íntimamente arreyáu na producción d'El capital como s'amuesa na so correspondencia.[17][18] Marx unviába-y los so manuscritos mientres Engels escribía les sos impresiones.[19] Foi gracies al financiamientu d'Engels pola que dichu llibru salió adelantre. Como-y escribió Marx en 1867:
¡Solo a ti te debo que foi posible! Ensin el to autosacrificio por mi, nun podría haber llográu l'inmensu trabayu qu'esixeron los 3 volumes.[20]
Marx nunca pudo completar el restu de los sos volumes, dexando los sos manuscritos al encargu d'Engels según díxo-y la so fía Eleanor Tussy Marx.[21] Engels describió estos manuscritos en 1883 a August Bebel:
Al llau de les partes que foron dafechu terminaes hai otres que tán puramente afilvanaes, siendo'l conxuntu un brouillon cola esceición de quiciabes dos capítulos. Cites de fontes ensin nengún tipu d'orde, montones d'elles entemecíes, arrexuntaes a cencielles con vistes a una futura seleición. Amás d'eso, ta la lletra que verdaderamente nun pue ser descifrada por naide más que por mi, y solo con dificultá. Ustedes pregúntense por qué a mi, de toles persones, nun me debería dicir hasta ónde llegara la cosa. Ye abondo simple; d'habelu sabíu, l'habría fadiáu día y nueche hasta que tou tuviere termináu ya impresu.[21]
Presentáronse munches razones poles que la obra quedó inacabada. Según Paul Lafargue, «Marx nunca taba contentu de lo que facía», y por eso la so obra tuvo delles reediciones.[15] Otres hipótesis fueron la mala salú de Marx, los sos compromisos políticos qu'atrabancaron les sos investigaciones, o la difícil busca de material nuevo pa fundamentar la so teoríes y dar soluciones a problemes teóricos, como el tresformamientu de los valores llaborales en precios de producción.[3] Paul Samuelson refugó que Marx abandonara la teoría del valor del tomu I en favor d'una teoría de precios nel tomu III, yá que, como señaló antes Rudolf Hilferding en 1902, los manuscritos del procedimientu de tresformamientu de Marx fueron escritos años antes de la publicación del primer tomu (ente 1863 y 1867).[22][4][23]
Con too ello, Engels editó y publicó el tomu II en 1885 y el tomu III en 1894. Engels tuvo qu'editar los testos de Marx d'una forma apropiada para la publicación y enllenar delles llagunes d'apartaos indicaos pero ensin redactar, amás de responder a los sos críticos.[17][24] Estos intentos de presentar la obra lo más fiel posible per parte d'Engels fueron criticaos mientres la so dómina.
“Al editalo, lo que m'interesaba sobremanera yera preparar un testu lo más auténtico posible, presentar los nuevos resultaos llograos por Marx, no posible, coles mesmes palabres d'ésti, y entemeteme namá cuando yera absolutamente inevitable, pero entá n'ese caso nun dexar nel llector dulda dalguna sobro quién se taba dirixiendo a él. reprochóseme eso, cuntar que debiera tresformar el material a la mio disposición nun llibru sistemáticamente ellaboráu, en faire un livre [faer d'ello un llibru], como dicen el franceses o, n'otres palabres, sacrificar l'autenticidá del testu a la comodidá del llector”.[25]
Lenin consideró qu' Engels "grabó tamién con trazos indelebles el so propiu nome" nes sos ediciones. "N'efectu", sostien Lenin, "esos dos tomos d'El Capital son la obra de los dos, Marx y Engels".[26] Hasta qué puntu Engels sigui'el plan orixinal de Marx ye ua tema revesou .[5][6][7] L'economista italianu Achille Loria llegó a cuestionase que:
"¿Ye realmente ciertu que Marx escribiera con mires de publicar esta mezcolanza de notes incoerentes, que Engels compunxo con piadosa amistá? ¿Ye realmente lícitu suponer que Marx haya... confiáu a estes páxines la coronación de la so obra y del so sistema?".[25]
Les reediciones de Maximilien Rubel d'El capital a partir de los manuscritos paecen dar poques indicaciones de cambeos fundamentales na obra.[27] Fred Moseley describió'l trabayu d'Engels como "un llogru bastante notable" anque "nun significa que nun haya problemes".[28] Cuando los manuscritos del tomu III tuvieron disponibles en 1993 como parte del Marx-Engels-Gesamtausgabe (MEGA) Michael Heinrich notó que "Engels fixo cambeos significativos", especialmente "na área de la teoría de la crisis, la teoría del creitu y la rellación ente'l capitalismu y la producción de mercancíes".[3] Amás, "les partes dafechu desenvueltes del so trabayu, como la teoría del valor y el dineru del primer volume, inclúin una serie d'ambivalencies, lo que fai que paeza cuestionable si yera posible de dalguna manera completar El Capital sobro la base dada".[3]
Al comentar estes crítiques, Fred Moseley señala aun así'l méritu editorial d'Engels por editar los manuscritos de Marx n'una obra de gran beneficiu para la izquierda política pero son nos manuscritos de Marx onde se debería constituyir la base de futures investigaciones. Paul Blackledge conclúi que "inclusive una interpretación caritativa del papel d'Engels como editor de Marx nun puede ignorar el fechu de que malinterpretó en gran midida la teoría del valor de Marx d'una manera que tuvo implicaciones teóriques y polítiques fondamente nocives pal marxismu del sieglu XX".[29] Estes postures tamién fueron criticaes y xeneró xuna serie de defenses del trabayu editorial d'Engels.[30]
Influencies
[editar | editar la fonte]El propósitu d'El capital foi brindar una base científica pa la política del movimientu obreru modernu. Los analises taben destinaos a "llevar una ciencia, por aciu de la crítica, al puntu en que puede ser representada dialécticamente" y asina "revelar la llei del movimientu de la sociedá moderna" pa describir cómo'l mou de producción capitalista ye'l precursor del mou de producción socialista .[31] El conteníu ye una crítica de la economía clásica d'Adam Smith y David Ricardo, basándose nel métodu dialécticu que Hegel desenvolvió en Fenomenoloxía del espíritu. Marx esclaria que'l fundamentu del so métodu dialécticu n'El capital ye materialista, a diferencia de Hegel que yera idealista. Asina, para Marx “lo ideal nun ye más que lo material trespuestu y traducíu na cabeza del home”.[32] Otros economistes qu'influyeron en Marx fueron el fisiócrata François Quesnay y los economistes Thomas Malthus, William Petty y Frédéric Bastiat.
Otres influencies intelectuales n'El capital fueron los socialistes franceses Charres Fourier, Henri de Saint-Simon, Jean Charres de Sismondi y Pierre-Joseph Proudhon.[ensin referencies] Na obra, Marx tamién cita a Charres Darwin, de quien se consideraba un almirador y a quien regaló una copia del llibru.[33] Marx concluyó que “se debe escribir una hestoria de la tecnoloxía como la que Darwin escribió nel mundu natural sobro la formación de los órganos animales y vexetales”.[34] En 1880, Marx escribió a Darwin pidiéndo-y la so aprobación para dedica-y el tomu II d'El capital, pero tornolu para "nun mancar los sentimientos relixosos de la so familia".[35]
La estructura lóxica d'El capital derívese en parte de la Política y l'Ética a Nicómaco de Aristóteles, incluyida la distinción fundamental ente valor d'usu y valor de cambéu, los siloxismos (Mercancía-Dineru-Mercancía y el segundu, Dineru-Mercancía-Dineru) pa la circulación mercantil simple y el tresformamientu del dineru en capital. Amás, la descripción de la maquinaria so les rellaciones capitalistes de producción como "autómates qu'actúen por sigo mesmos" derívase de les especulaciones d'Aristóteles sobro los preseos inanimaos capaces d'obedecer ordes como condición pa l'abolición de la esclavitú. Nel sieglu xix, la investigación de Marx de la lliteratura políticu-económica disponible riquía dolce años, xeneralmente na Biblioteca Británica de Londres.
Temes
[editar | editar la fonte]- La mercancía ye la "forma celular económica" básica (unidá comercial) d'una sociedá capitalista.[36] Marx esplica nel prólogu a la primer edición alemana del primer tomu de 1859 qu'el so análisis nun va ser moral sinón hestóricu-natural, onde les persones son solo "personificación de categoríes económiques, como portadores de determinaes rellaciones ya intereses de clase”. [37]"[E]l productor capitalista cuenta para nós como propietariu de too'l plusvalor [...]. D'ende que, yá de mano, consideremos l'acumulación en términos astrautos, esto ye, como simple fase del procesu inmediatu de la producción" El capital, "el trabayu pretéritu, qu'apodera al trabayu vivu, personificase nel capitalista; per otra parte y a la inversa, l'obreru apaez como xuna fuerza de trabayu puramente oxetiva, como xuna mercancía .[38]" Amás, por cuenta de que'l comerciu como actividá humana nun implicaba moralidá más allá de la riquida pa mercar y vender bienes y servicios, la crecedera del sistema de mercáu fixo entidaes discretes de les esferes económica, moral y llegal de l'actividá humana na sociedá; poro, el valor moral suxetivu ta separáu del valor económicu oxetivu. Darréu, la economía política (la xusta distribución de la riqueza) y la "aritmética política" (sobro los impuestos) reorganizaronse en trés campos discretos de l'actividá humana, esto ye, la economía, el derechu y l'ética: la política y la economía divorciáronse.[39]
- "La formación económica de la sociedá [ye] un procesu d'hestoria natural".[36] Asina, ye posible qu'un economista políticu estudie oxetivamente les lleis científiques del capitalismu, cuidao que la so espansión del sistema comercial de mercáu había obxetivado les relaciones económiques humanes. L'usu del dineru (el nexu del efectivu) anuló les ilusiones relixoses y polítiques sobro'l so valor económicu y reemplazolas col fetichismu de les mercancíes, la creyencia de qu'un oxetu (mercancía) tien un valor económicu inherente. Por cuenta de que la formación económica social ye un procesu históricu, nenguna persona pue controlalo o dirixilo, creando asina un complexu global de conexones sociales ente capitalistes. La formación económica (comerciu individual) d'una sociedá preciede asina a l'alministración humana d'una economía (comerciu entamáu).
- Nun postfacio del primer tomu de 1872, Marx describe que la ciencia económica burguesa, siendo Ricardo'l so postreru gran representante, nun pue conciliar “l'antagonismu de los intereses de clase”.[32] Les contradicciones estructurales d'una economía capitalista (n'alemán: gegensätzliche Bewegung) describen el movimientu contradictoriu que s'anicia nel calter dual del trabayu y, poro, la llucha de clases ente'l trabayu y el capital, el trabayador asalariáu y el propietariu de los medios de producción. Estes contradicciones económiques capitalistes operen "de llombu" de los capitalistes y los trabayadores como resultáu de les sos actividaes y, sicasí, permanecen más allá de les sos perceiciones inmediates como homes y muyeres y como clases sociales.
- Les crisis económiques (recesión, depresión, etc.) que tienen los sos raigaños nel calter contradictoriu del valor económicu de la mercancía (unidá celular) d'una sociedá capitalista son les condiciones que conducen a la revolución proletaria —qu'El Manifiestu Comunista (1848) identifica como "un arma forxada polos capitalistes que la clase obrera volvía escontra la mesma burguesía".[40]
- Nuna economía capitalista, la meyora tecnolóxica y el so consiguiente aumentu de la producción aumenten la cantidá de riqueza material (valor d'usu) na sociedá coles mesmes que mengüen el valor económicu de la mesma riqueza, menguando asina la tasa de ganancia, xuna paradoxa carauterística de la crisis económica nuna economía capitalista. "Probeza metanes la bayura" de resultes de la sobreproducción y el subconsumo.
Sinopsis
[editar | editar la fonte]La obra publicada repetidamente en dellos idiomes col títulu d'El Capital ye un tratáu en trés volumes, consideráu unánimemente como la obra cume de Karl Marx. El primer tomu, dedicáu a Wilhelm Wolff, publicose na so primer versión en Hamburgo en 1867; el segundu y el terceru, dedicaos a la so esposa Jenny von Westphalen, fueron publicaos por Friedrich Engels dempués de la muerte del autor, en 1885 y en 1894, respeutivamente.[13][41]
| Tomu I | Tomu II | Tomu III | ||||
|---|---|---|---|---|---|---|
| Producción del capital | Circulación del capital | Producción del capital global / nel so conxuntu | ||||
| 1 - 6 | 7 | 1-2 | 3 | 1-2 | 3 | 4-7 |
| Procesu de producción (valor, plusvalor y capital) | Procesu d'acumulación | Metamorfosis y rotación del capital
(capital fixu y circulante) |
Circulación global (reproducción simple y amplíada) | Formación de la ganancia media (precios de producción) | Enclín decreciente de la tasa de ganancia | Distribución de la ganancia (interés - beneficio - renta ) |
Tomu I . El procesu de producción del capital.
[editar | editar la fonte]
El primer llibru ye una esposición xeneral del mou de producción capitalista, los sos elementos básicos y la so articulación vista de manera xeneral y de manera analítica ensin considerar ciertes variables (especialmente de la circulación), sinón centrándose especialmente na fase de producción que Marx considera'l fundamentu de tol sistema capitalista y de manera xeneral de too mou de producción.
El llibru estremase en 7 seiciones:
- Sección 1: Mercancía y dineru
- Capítulu 1. La Mercancía
- 1. Valor d'usu y valor de cambéu.
- 2. Doble Aspeutu del Trabayu.
- 3. El valor, realidá social, Forma del valor.
- 4. Apariencia material del calter social del trabayu.
- Capítulu 2. De Los Cambios
- 1. Rellaciones de los poseedores de mercancíes: condiciones d'eses relaciones.
- 2. La relación de cambeos implica necesariamente la forma moneda.
- 3. La forma moneda va xunida a los metales preciosos.
- Capítulu 3. La Moneda o circulación de les mercancíes
- 1. Medida de los Valores. La forma preciu.
- 2. Circulación de les mercancíes. Cursu de la moneda. El numerariu o les especies y el papel moneda.
- 3. Reserves d'oru y de plata o ayalgues. El Dineru como mediu de pagu. La Moneda universal.
- Capítulu 1. La Mercancía
- Sección 2: El tresformamientu de dineru en capital
- Sección 3: Producción del plusvalor absolutu
- Sección 4: La producción del plusvalor relativu
- Sección 5: La producción del plusvalor absolutu y del relativu
- Sección 6: El salariu
- Sección 7: El procesu d'acumuladura del capital
La mercancía, el dineru y el capital n'astrautu
[editar | editar la fonte]Marx dedica'l primer capítulu del llibru, a un análisis dialécticu de la mercancía, pos parte del fechu de que la mercancía individual ye la forma elemental de la riqueza social nel capitalismu. Marx analiza, siguiendo a la economía política clásica, a la mercancía en tantu valor d'usu —un bien que satisfai ciertes necesidaes humanes— y en tantu valor de cambéu —un bien que pue intercambiase por otros bienes nuna proporción determinada—. Pero pa Marx el valor de cambéu d'una mercancía ye una manifestación de daqué más. Lo que dexa qu'una cantidá de mercancía equivalga a una cantidá de mercancía ye daqué que nun depende del calter de valor d'usu de les mercancíes nin de los trabayos particulares coles que fueron producíes. Lo que fai posible la equivalencia ye que dambes contienen la mesma cantidá de «trabayu humanu astrautu» materializáu nelles. Marx denomina como valor de les mercancíes al trabayu socialmente necesariu pa la so producción, siendo la magnitú del valor determinada pola cantidá (duración) d'ese trabayu. A esta conclusión yá llegara l'economista David Ricardo, pero Marx retomala de manera crítica y afonda nella. El valor de cambéu sería, entós, la forma del valor.
Dempués Marx analiza les distintes formes del intercambiu de mercancíes. Dende'l trueque ocasional —pos de primeres producíase pal consumu inmediatu y solo intercambiábase'l productu escedente— hasta que la producción va empobinándose cada vez más escontra l'intercambiu, colo que l'intercambiu va faciéndose más regular y, necesariamente, una mercancía particular —por casu, l'oru— constituyese n'equivalente xeneral de toles demás. A lo último, al tresformase esti equivalente xeneral en mercancía dineraria, tenemos el reemplazu del oru en metálicu por una representación del mesmu, en monedes y en billetes.
Marx dedica'l postreru estremáu del primer capítulu a esplicar el fetichismu de la mercancía. Como na sociedá mercantil los productores solo rellaciónense ente sí por aciu del intercambiu de les sos mercancíes, y como esti intercambiu ye reguláu pol valor de les mesmes (procesu qu'asocede "de llombu a los productores"), les mercancíes mesmes conviértense nel suxetu del intercambiu en cuenta de los productores. D'esta manera, l'intercambiu apaez como una rellación social ente coses y xuna relación oxetiva ente les persones.
Nos dos capítulos restantes d'esta seición, Marx analiza el procesu d'intercambiu de les mercancíes ( nel casu de trueque, cuando yá esiste el dineru; siendo mercancía y dineru) y los distintos papeles que cumple'l dineru na economía mercantil: como midida de los valores, como mediu de circulación, como ayalga, como creitu, como dineru en sí y los distintos aspeutos económicos al respeutu; tamién amuesa cómo y por qué'l dineru en tantu materialización de determinaes rellaciones sociales, imprime determinaes cualidaes a la sociedá nel so conxuntu y a los sos individuos.
Cuidao que'l dineru ye uniforme en calidá, solo pue ganase pola transacción en términos de cantidá. El dineru que circula d'esta manera gana en cantidá. Esti procesu en cuestión constitúi el tresformamientu del dineru en capital.[42]
Na seición siguiente, que consta d'un únicu capítulu, Marx estudia'l tresformamientu del dineru en capital. Si antes l'intercambiu simple de mercancíes representábase como , Marx representa'l tresformamientu del dineru en capital como , siendo . La esplicación de ta en qu'una de les mercancíes mercaes na primer fase () ye una mercancía que produz valor nuevu, plusvalor. Esa mercancía ye la fuerza de trabayu.
El procesu de producción capitalista
[editar | editar la fonte]A partir de la seición tercer, Marx entra a estudiar el procesu de producción capitalista en sí. Hasta agora estudiara n'astrautu a la sociedá mercantil, onde solo esistíen productores de mercancíes. Agora estudia n'astractu la sociedá burguesa onde esisten capitalistes y asalariaos. Na sociedá mercantil simple el procesu de producción tien un calter dual: per un llau procesu de producción de bienes y pel otru, procesu de producción de valor. Na sociedá capitalista'l procesu de producción tamién tien un calter dual, pero distintu al de la sociedá mercantil: per un sitiu ye procesu de producción de bienes y pel otru ye procesu de producción de capital, de valor que se valoriza a sí mesmu. Lo qu'estrema a la sociedá capitalista ye la organización de la producción con base nel trabayu asalariáu, esto ye, l'arriendu de la fuerza de trabayu .
La fuerza de trabayu, productora de les mercancíes, mércase y viéndese como otra mercancía cualquier y obedez a les mesmes lleis del mercáu, ensin importar que detrás d'elles hai un home, cola so familia: el proletariu. Esti proletariu ye llibre, diz Marx asonsañando el lema de la revolución francesa -pero Marx fai notar que ye en realidá llibre nun doble sentíu: llibre (esto ye carente) de medios d'esistencia y de medios de producción (y por tantu si nun viende'l so trabayu nun sobrevive) pero llibre de vende-y la so fuerza de trabayu al capitalista qu'él escueya d'ente los comenenciudos en mercala. El trabayador asalariáu viende la so capacidá pa trabayar, pero esta ye xuna capacidá indixebrable de la persona, y non pue vendese aislladamente; por esto una vegada fechu'l contratu ente capitalista y trabayador, este, la so personalidá completa, el so cuerpu enteru pasa a manes del otru.
Nos capítulos siguientes Marx analiza les distintes formes del capital según la so función nel procesu de valorización (capital constante y capital variable), el plusvalor na so forma relativa y absoluta, la xornada llaboral (la so estensión ya intensidá) y la so división en trabayu necesariu y plustrabayu, la tasa y la masa de plusvalor, el papel de la cooperación nel taller o fábrica (que, gracies a la optimización de la división téunica del trabayu pola manufactura, resulta nuna fuerza de trabayu social superior a la suma de les fuerces de trabayu individuales), un análisis históricu de les condiciones tecnolóxiques nes que se realiza la producción capitalista (dende la manufactura hasta la gran industria mecanizada), xuna descripción -y denuncia- de les condiciones de vida de la clase obrera inglesa, un análisis de les distintes formes de salariu y a lo último, na última seición, un análisis de l'acumulación del capital.
El procesu de trabayu capitalista ye un procesu de valorización y amás de producción d'un plusvalor. Lo qu'empieza con una inversión de cierta cantidá de dineru fecha pol capitalista termina, dempués del ciclu, nun aumentu d'esa cantidá. N'apariencia ye como si el dineru multiplicárase por sigo mesmu. Marx pasa a analizar y criticar les distintes maneres en que los economistes clásicos intentaron esplicar esti aumentu, y cómo fracasaron quiera que non, pero al afondar na teoría del valor de David Ricardo, Marx llogra esplicar el secretu de la plusvalía coles mesmes mientres estudia y espón el funcionamientu del mou de producción capitalista. La formación de la plusvalía nel sistema capitalista, espón Marx, efectúase de la siguiente manera:
El trabayador viende la so fuerza de trabayu al capitalista. El capitalista pasa a ser dueñu d'esta mercancía de la que por tantu dispon o fai usu mientres tol tiempu que-y seya posible acaldía, esto ye que pon a trabayar al asalariáu tol tiempu que-y seya posible, esto ye la xornada de trabayu, que daes ciertes condiciones de producción, va enllargase como premisa por un tiempu mayor que'l tiempu que se precisa pa producir, nes mesmes condiciones normales de trabayu, los medios diarios d'esistencia y reproducción (cebera, vivienda, educación, fíos, etc.) del obreru. Pero a cambéu, el capitalista paga al asalariáu un preciu pola so fuerza d trabayu como lu fai por cualesquier otra mercancía, esto ye, paga un preciu equivalente a lo que costó producila. Asina que el capitalista nun paga un preciu pol trabayu que fai l'asalariáu, porque el preciu de les mercancíes nun ta determináu pol usu que se fai d'elles, sinón polo que costó produciles, el so valor: la cantidá de trabayu socialmente necesariu invertida en produciles. Equí ye clave la distinción ente la fuerza de trabayu y el trabayu. El capitalista paga'l valor de la fuerza de trabayu y a cambéu recibe'l valor creáu pol empléu de la fuerza de trabayu mientres la xornada llaboral. De manera que xuna parte de la xornada llaboral, l'asalariáu trabaya pa reproducir el valor de la so fuerza de trabayu, y l'otra parte trabaya "de baldre" pal capitalista. Esta diferencia de valor ente'l valor de la fuerza de trabayu y el valor producíu pol so emplegu ye lo que Marx denomina como plusvalía. Esta plusvalía ye la base de la ganancia capitalista.
La premisa histórica básica para esto ye l'intercambiu de mercancíes, pos el capitalista merca la fuerza de trabayu como una mercancía. Esto implica la otra premisa histórica básica: que les condiciones sociales seyan tales que'l trabayador tenga que vender la so fuerza de trabayu como una mercancía, Marx yá amosó qu'esto ye posible solamente si'l trabayador escarez de medios d'esistencia y de medios de producción pa trabayar, entós como posesor de namá la so fuerza de trabayu pa sobrevivir vese obligáu a vender la so fuerza de trabayu al capitalista. La sociedá burguesa precisa de la esistencia de trabayadores llibres, nel sentíu de que nun son esclavos nin siervos: nengún poder personal les fuerza a trabayar. Lo que-yos fuerza a trabayar ye el poder impersonal de la economía .
Nos siguientes capítulos, Marx espón la manera en que los capitalistes intenten caltener y aumentar la plusvalía. Una manera, l'aumentu de plusvalía absoluta, ye la estensión de la xornada llaboral (lo qu'amonta el tiempu en que l'obreru trabaya puramente pal capitalista) y l'amenorgamientu del salariu (lo qu'amonta la parte en valor que'l capitalista da al trabayador). Pero, tal como esplica Marx, esto tien unes llendes "naturales" y "morales".
Por ello el capitalista tamién procura aumentar la plusvalía de manera relativa, modificando'l procesu téunicu de trabayu y les condiciones llaborales, introduciendo medios de producción más eficientes y/o aumentando la intensidá o velocidá del trabayu. Esto fai menguar el tiempu necesariu pa producir les mercancíes polo xeneral (incluyendo los medios d'esistencia del obreru, pos asina consigue menguar el valor de la fuerza de trabayu). D'esta manera, ensin modificar la estensión de la xornada llaboral, el tiempu de trabayu remunerado escai en favor del tiempu de trabayu non remunerado. A esti procesu Marx denominalu producción de plusvalía relativa .
Espón Marx qu'esta última considerancia pon en claru que, nun momentu dáu del desenvolvimientu capitalista, l'aumentu de la plusvalía conviertese nun problema téunicu. Énte los daños físicos y morales causaos pola llarga y cansosa xornada de trabayu, la clas obrera finalmente entámase y consigue imponer un amenorgamientu y reglamentación de la xornada de trabayu. Si los capitalistes yá nun puen estender la xornada de trabayu, entós el problema del aumentu de la plusvalía solamente ye posible de manera relativa y tórnase esencialmente nun problema téunicu: ameyorar los medios téunicos de la producción. L'apropiación de los inventos mecánicos foi, a esti respeutu, el gran recursu de los capitalistes. Sicasí, como amuesa Marx, esto nun quier dicir que la clas capitalista, permanentemente o siquier cada vez que la plusvalía mengua, nun intente quebrar la oposición de la clase obrera p'estender la xornada de trabayu. Marx intenta demostrar como la gran industria, cola aplicación de les ciencies naturales al serviciu de la mecanización del procesu de trabayu en llugar de favorecer a la clas obrera amenorgando la xornada llaboral (pos lo qu'antes se producía nun día de trabayu artesanal producese nuna hora de trabayu industrial), termina perxudicándo-y de diverses maneres: hacinamiento, cansoses xornaes de trabayu, trabayu infantil, insalubridad, etc. Esto nun se debe a la industrialización mesma, sinón al so emplegu capitalista .
Referencies
[editar | editar la fonte]- 1 2 Edward Reiss, Santiago Jordán, Una guía para entender a Marx, 2000, Siglo XXI ISBN 83-323-1033-6, sobre el Texto Marx: Manuscritos de París, Vol 5, ed. OME -escritos de Marx y Engels- de Manuel Sacristán
- ↑ «Marxistische Blätter 5_2017: Das Kapital – Nicht nur für Einsteiger» (alemán). Neue Impulse Verlag GmbH. Archiváu dende l'orixinal, el 2022-11-27. Consultáu'l 11-18-2024.
- 1 2 3 4 5 «Engels' Edition of the Third Volume of Capital and Marx's Original Manuscript by Michael Heinrich». www.marxists.org. Consultáu'l 2023-02-09.
- 1 2 Why Did Marx's Capital Remain Unfinished? On Some Old and New Arguments. https://guilfordjournals.com/doi/abs/10.1521/siso.2020.84.1.13. Consultáu'l 2022-12-15.
- 1 2 The Making of Marx's 'Capital'.: Vol. 1.
- 1 2 The Making of Marx's Capital, Volume 2.
- 1 2 Capital in general and the structure of Marx's Capital. http://journals.sagepub.com/doi/10.1177/030981688903800105. Consultáu'l 2023-02-09.
- ↑ «What are the most-cited publications in the social sciences (according to Google Scholar)?». LSE Impact Blog. London School of Economics (2016-05-12). Archiváu dende l'orixinal, el 2018-12-25. Consultáu'l 2017-11-14.
- ↑ «Schriften von Karl Marx - Deutsche UNESCO-Kommission». web.archive.org (2016-01-22). Archiváu dende l'orixinal, el 22 de enero de 2016. Consultáu'l 2021-01-16.
- ↑ «Full Size Picture 1818n009.jpg». web.archive.org (2007-09-27). Archiváu dende l'orixinal, el 2007-09-27. Consultáu'l 2023-02-25.
- ↑ «9. La economía vulgar desenmascarada por el Materialismo Histórico».
- ↑ «Marx (1867): Prólogo a la primera edición alemana del primer tomo de "El Capital".». www.marxists.org. Consultáu'l 2022-12-12.
- 1 2 «Economic Manuscripts: Capital Vol. I - Dedication». www.marxists.org. Consultáu'l 2022-12-12.
- ↑ «Kapital. Kritika Politicheskoi Ekonomii. - MARX Karl - First Edition». www.maggs.com. Archiváu dende l'orixinal, el 2024-01-27. Consultáu'l 2024-01-27.
- 1 2 3 4 5 6 «A 150 años de «El capital» | Nueva Sociedad». Nueva Sociedad | Democracia y política en América Latina (2017-08-18). Consultáu'l 2023-08-31.
- ↑ Historia Crítica de la Teoría de la Plusvalía.
- 1 2 The Great Contribution of Engels to Capital. 2020. https://www.jstor.org/stable/10.13169/worlrevipoliecon.11.3.0286. Consultáu'l 2024-11-04.
- ↑ Engels, 1975, p. 7.
- ↑ «Marx and Engels Letters on Critique of Political Economy». www.marxists.org. Consultáu'l 2024-07-11.
- ↑ «Economic Manuscripts: Capital Vol. I - Letter from Marx to Engels». Consultáu'l 2022-12-15.
- 1 2 «Letter to August Bebel, August 30, 1883» (inglés). Marxists-en (2022-12-30). Consultáu'l 2024-09-15.
- ↑ «Rudolph Hilherfing (1904): La critica de Böhm-Bawerk a Marx». www.marxists.org. Consultáu'l 2024-09-07.
- ↑ «Samuelson’s “Transformation” of Marxism into Bourgeois Economics by Paul Mattick». www.marxists.org. Consultáu'l 2024-05-28.
- ↑ Edward Reiss, Santiago Jordán, Una guía para entender a Marx, 2000, Siglo XXI ISBN 83-323-1033-6, sobre el Texto Marx: Manuscritos de París, Vol 5, ed. OME -escritos de Marx y Engels- de Manuel Sacristán
- 1 2 «Marx: El Capital, libro tercero, cap. Apendice y Notas complementarias al tomo III de El CapitalArchived copy» (2017-11-08). Archiváu dende l'orixinal, el 2017-11-088 de noviembre de 2017. Consultáu'l 2022-12-12.
- ↑ «Lenin (1895): "Federico Engels".». www.marxists.org. Consultáu'l 2026-06-09.
- ↑ Howard, 1989, p. 16.
- ↑ Moseley, 2015, p. 4.
- ↑ (2019-12-01) Friedrich Engels and Modern Social and Political Theory.
- ↑ (2018-04-26) The Unfinished System of Karl Marx: Critically Reading Capital as a Challenge for our Times.
- ↑ «Lenin's Karl Marx: III: Marx's Economic Doctrine». www.marxists.org. Consultáu'l 2021-01-07.
- 1 2 «Marx (1873): Palabras finales a la segunda edición alemana del primer tomo de "El Capital" de 1872». www.marxists.org. Consultáu'l 2022-12-12.
- ↑ Colp, Ralph (1974). «The Contacts Between Karl Marx and Charles Darwin». Journal of the History of Ideas 35 (2): páxs. 329–338. doi:. ISSN 0022-5037. http://www.jstor.org/stable/2708767. Consultáu'l 23 de noviembre de 2019.
- ↑ Rejón, Manuel Ruiz (21 de agosto de 2018). «Dos gigantes enfrentados: marxismo y darwinismo» (castellanu). OpenMind. Consultáu'l 23 de noviembre de 2019.
- ↑ Obra selecta: Antología de textos de economía y de filosofía; Manuscritos de París; Manifiesto del partido comunista; Crítica del programa de Gotha.
- 1 2 «Economic Manuscripts: Capital Vol. I - 1867 Preface». www.marxists.org. Consultáu'l 2023-03-02.
- ↑ «Marx (1867): Prólogo a la primera edición alemana del primer tomo de "El Capital".». www.marxists.org. Consultáu'l 2022-12-12.
- ↑ «[https://web.archive.org/web/20190206091105/http://webs.ucm.es/info/bas/es/marx-eng/capital1/21.htm Marx: El Capital, Libro primero, cap. 21, Reproducción simple]». webs.ucm.es. Archiváu dende l'orixinal, el 2019-02-06. Consultáu'l 2025-07-25.
- ↑ «Marx: El Capital, libro tercero, cap. 2, La tasa de ganancia». www.nodo50.org. Consultáu'l 2026-06-03.
- ↑ «[https://web.archive.org/web/20220126191837/http://webs.ucm.es/info/bas/es/marx-eng/capital1/24.htm Marx: El Capital, Libro primero, cap. 24, La llamada acumulación originaria, 7. Tendencia histórica de la acumulación capitalista]». webs.ucm.es. Archiváu dende l'orixinal, el 2022-01-26. Consultáu'l 2025-09-17.
- ↑ «Economic Manuscripts: Capital: Volume Two - Preface to the First Edition». www.marxists.org. Consultáu'l 2022-12-12.
- ↑ «E. Belfort Bax: Karl Marx (1881)». www.marxists.org. Consultáu'l 2024-05-28.