Saltar al conteníu

Finxu

De Wikipedia
Finxu na frontera ente Estaos Xuníos y México
Finxu xeográficu de partición de términos municipales (Alcalá de Chivert/Cueves de Vinromá)
Finxu xeográficu fronterizu ente la Ciudá y la Provincia de Buenos Aires. República Arxentina
Finxu de desllendación de términos municipales

Un finxu[1] (var.: finsu[2], fiensu[3], fisu[4], fixu[5], del llatín: fīxus), fitu[6] (del llatín: fictus), fitola[7], barbacana[8] (del árabe: بربخ (b-al-baqára)) o muñón[9], ye una seña de caráuter permanente, tradicionalmente de piedra (anque anguaño empléguense otros materiales), que sirve pa desllindar propiedaes o territorios, y delles veces pa marcar altores, distances o direiciones d'una vía o camín, en tal casu xeneralízase'l nome a finxu xeográficu. Cuando s'asitia sobre una llomba o montaña, n'asturianu pue recibir el nome de celembru[10] o tesu[11] (del llatín: tēnsus, d'aú tamién provién tiesu).

Los finxos usábense frecuentemente pa marcar o señalar los puntos mas destacaos de les llendes ente países o alministración llocales, pero tamién usábense pa marcar les llendes de tierres privaes y esplotaciones de recursos naturales, especialmente n'áreas onde les bárganes o les muries nun son prácticos o son innecesarios. Les señes utilizaes llántense normalmente nun puntu notable o visible sobre'l terrén axacente. Munchos tan inscritos con información relevante, como l'abreviatura del titular de la llende, la fecha d'instalación y davezu la localización xeográfica, quier dicise, la llonxitú y llatitú del mesmu.

Toponimia

[editar | editar la fonte]

Na toponimia menor asturiana puen atopase munchos exemplos de términos xeográficos derivaos o conteniendo elementos que faen referencia a un finxu, evidenciando l'usu d'éstos na zona.

Finxu y les sos variantes provienen del axetivu llatín fīxus (d'aú tenemos tamién el axetivu fixu), participiu del verbu fīgere ("afitar"). Na documentación medieval asturlleonesa hai frecuentes referencies a petrefixos (finxos de piedra)[12]. Topónimos:

Fitu provién del llatín fictus, del verbu fīgere ("afitar") mesmo que finxu[12]. Atópense dellos casos ente la toponimia asturiana:

L'orixe de la pallabra muñón ye desconocíu, pero propónse una conexón prerromana pola esistencia d'una pallabra hermana nel vascu actual[12]. Atópase en dalgunos topónimos:

Referencies

[editar | editar la fonte]