Eymar Kuinn
| Eymar Kuinn | |
|---|---|
| | |
| Ümumi məlumatlar | |
| Doğum tarixi | 18 dekabr 1972 (53 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1992-ci ildən |
| Janr | pop musiqisi |
| Səs tembri | soprano |
| Albom şirkəti | Decca Records[d] |
| eimearquinn.com | |
Eymar Kuinn (irl. Eimear Ní Chuinn; 18 dekabr 1972, Dublin) — İrlandiyalı müğənni və bəstəkar. 1996-cı ildə "The Voice" mahnısı ilə Avroviziya Mahnı Müsabiqəsinin qalibi olaraq tanınıb. Qalib gəldikdən sonra o, beynəlxalq səviyyədə geniş qastrol səfərlərində olub çıxışlar edib və öz yaradıcılığından ibarət dörd albom buraxıb ki, onlardan ən sonuncusu RTÉ Konsert Orkestri ilə birlikdə yazılan və 2020-ci ildə işıq üzü görən "Ériu" albomudur.[1]
Həyatı
[redaktə | vikimətni redaktə et]Eymar Kuinn Dublində anadan olub. O, dörd yaşında ilk xoruna qoşulub. On beş yaşında Codi Beqqanın rəhbərliyi altında peşəkar vokal dərslərinə başlayıb. İrlandiya Milli Universitetinin Maynut filialını musiqi ixtisası üzrə bitirib. Universitetdə təhsil aldığı müddətdə erkən musiqiyə maraq salıb və "Zefiro" ansamblının qurucu üzvlərindən biri olub. 1995-ci ildə musiqi kollecinin tələbəsi olarkən İrlandiyada kifayət qədər populyar olan "Anuna" kelt kamera qrupunun üzvü olub. Qrupun "Omnis" və "Deep Dead Blue" adlı iki albomunun yazılışında iştirak edib. Həmçinin "Riverdance" rəqs ansamblı ilə də əməkdaşlıq edib.
1996-cı ildə bəstəkar-şair Brendan Qrinin xahişi ilə onun "The Voice" mahnısı ilə Osloda keçirilən 1996 Avroviziya Mahnı Müsabiqəsində iştirak edib qələbə qazanaraq, İrlandiyaya bu müsabiqədə iştirak etdiyi müddət ərzində yeddinci qələbəsini qazandırıb. Bundan sonra xaricdə çoxlu qastrol səfərlərində olub, RTE və TV3 kanallarında teleaparıcılıq edib.[2]
İrlandiya Milli Universitetini bitirib. 2006-cı ildə Avroviziyada İrlandiya milli jürisinin səslərini elan edib. Həmin il "Gatherings" albomunu buraxıb, 2007-ci ildə isə növbəti "Oh Holy Night" albomu işıq üzü görüb.
Diskoqrafiya
[redaktə | vikimətni redaktə et]- 1996 The Voice EP
- 1996 Winter, Fire and Snow EP
- 1997 Ave Maria EP
- 2001 Through the Lens of a Tear
- 2006 Gatherings
- 2007 Oh Holy Night
İstinadlar
[redaktə | vikimətni redaktə et]- ↑ The International Who's Who in Popular Music 2002. Taylor & Francis Group. 2002. səh. 417. ISBN 9781857431612.
- ↑ "Eurovision winner Eimear Quinn now - life in Switzerland with RTÉ boss husband". RSVP Live (ingilis). 16 may 2025. 8 iyun 2026 tarixində arxivləşdirilib. İstifadə tarixi: 7 fevral 2026.
Xarici keçidlər
[redaktə | vikimətni redaktə et]
Vikianbarda Eymar Kuinn ilə əlaqəli mediafayllar var.- Official website
- The Voice lyric