Layla Kinnunen
| Layla Kinnunen | |
|---|---|
| | |
| Ümumi məlumatlar | |
| Ləqəbi | Laila Kinnunen |
| Doğum tarixi | 8 noyabr 1939[1][2] |
| Doğum yeri |
|
| Vəfat tarixi | 26 oktyabr 2000 (60 yaşında) |
| Vəfat yeri | |
| Dəfn yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1957-ci ildən |
| Janrlar | caz[4] |
Layla Kinnunen əsl adı Laura "Layla" Annikki Kinnunen (fin Laura Annikki Kinnunen; 8 noyabr 1939[1][2], Vantaa, Uusimaa quberniyası[d][2] – 26 oktyabr 2000, Cənubi Savoniya[2]) — Finlandiya müğənnisi. O, 1950 və 1960-cı illərin ən populyar fin ifaçılarından biri hesab edilir. Kinnunen 1961-ci ildə Avroviziya Mahnı Müsabiqəsində Finlandiyanı təmsil edib və bu, ölkənin sözügedən müsabiqədə ilk iştirakı kimi tarixə düşüb.
Həyatı
[redaktə | vikimətni redaktə et]Layla Kinnunen 8 noyabr 1939-cu ildə Helsinki ətrafındakı Vantaa şəhərində anadan olub. Tezliklə, müharibənin başlaması ilə əlaqədar olaraq onun ailəsi İsveçə təxliyə edilib və müğənni uşaqlıq illərini orada keçirib. O, Finlandiyaya yalnız 1949-cu ildə, 10 yaşında ikən geri dönüb. 1955-ci ildə müğənni Helsinkidə keçirilən musiqi müsabiqəsində qalib gəlib, 1955–1956-cı illərdə Lasse Pihlajamaanın orkestrində, daha sonra isə Olli Häme və Erkki Melakoskinin orkestrlərində solist olub. Onun hələ 1957-ci ildə yazdırdığı ilk valı — "Lazzarella" mahnısı tez bir zamanda böyük populyarlıq qazanıb. 1950-ci illərin sonunda onun "Illalla, illalla", "Kellä kulta, sillä onni", "Kuume", "Marina", "Jazzbasilli" və "Pieni kukkanen" mahnıları lentə alınıb.
1961-ci ildə Kinnunen "Valoa ikkunassa" ("Pəncərədəki işıq") mahnısı ilə Kann şəhərində keçirilən Avroviziya Mahnı Müsabiqəsində Finlandiyanı təmsil edib və onuncu yeri tutub. Bu çıxışdan sonra müğənni nəinki vətənində, həm də bütün Avropada tanınıb. Layla Kinnunen, həmçinin 1962-ci ildə "Lumineito", 1966-cı ildə "Muistojen bulevardi", 1967-ci ildə "Unohdusta ei ole" və 1969-cu ildə "Potkis" mahnıları ilə ölkəsinin milli seçim turlarında iştirak edib.
1960-cı illərdə müğənni olduqca fərqli janrlarda — bossa-nova, caz, romans və fin xalq mahnıları üslubunda əsərlər ifa edib. Onun ən tanınmış səs yazıları "Soittajapoika", "Mandshurian kummut", "Tiet", "Yön äänet", "Epävireiset sydämet", "Yhden nuotin samba", "Ipaneman tyttö", "Kun" və "En vastaa jos soitat" olub. 1962-ci ildə Layla, həmçinin bacısı Ritva Kinnunen ilə duet şəklində bir neçə mahnı, xüsusilə "Pojat" və "Lauantai" bəstələrini lentə aldırıb.
Kinnunen Helsinkidəki İsveç teatrında çıxış edib, kinoya çəkilib (məsələn, onun "Böyük melodiyalar paradı" filmi olduqca məşhurdur) və müxtəlif televiziya proqramlarında iştirak edib.
Lakin 1967-ci ildə onun tərəfindən yalnız bir neçə səs yazısı reallaşdırılıb. 1970-ci illərin əvvəllərində onun böyük musiqi leyblı olan "Scandia" ilə müqaviləsinə xitam verilib. Bundan sonra müğənni daha bir neçə mahnı yazdırsa da, 1980-ci illərin əvvəllərində birdəfəlik səhnədən uzaqlaşıb.
1989-cu ildə sənətçinin 50 illik yubileyi münasibətilə onun həyat və yaradıcılığından bəhs edən "Layla" adlı sənədli film çəkilib.
Layla Kinnunen iki dəfə ailə həyatı qurub: o, əvvəlcə aktyor Ville-Veykko Saminen ilə, daha sonra isə yuqoslaviyalı musiqiçi Miso Misiç ilə evli olub. İkinci evlilikdən 1970-ci ildə onun sonradan özü də müğənni olan qızı Milana Misiç dünyaya gəlib.
Kinnunen 2000-ci ildə vəfat edib və Malmi qəbiristanlığının 34-cü kvartalında dəfn olunub.[5]
Albomları
[redaktə | vikimətni redaktə et]- Laila (LP, Scandia 1965)
- Iskelmiä vuosien varrelta (LP, Scandia 1974)
- Ajaton Laila Kinnunen (LP, Scandia 1974)
- Sävelkansio (LP, Helmi 1980)
- Valoa ikkunassa (2LP, Helmi 1986)
- 32 ikivihreää (2LP, Safir 1989)
- 24 ikivihreää (CD, Finnlevy 1989) (1976)
- Mandschurian kummut (CD, Basebeat 1989)
- Unohtumattomat (CD, Helmi 1992)
- Parhaat (3CD, Valitut Palat 1994)
- 20 suosikkia — Lazzarella (CD, F Records 1996)
- 20 suosikkia — Valoa ikkunassa (CD, F Records 1996)
- 20 suosikkia — Mandshurian kummut (CD, F Records 1997)
- 20 suosikkia — Idän ja lännen tiet (CD, F Records 1997)
- Muistojen laila (CD, F Records 1999)
- Kaikki kauneimmat (CD, F Records 2000)
- Muistojen kyyneleet — 20 ennen julkaisematonta laulua (CD, Mediamusiikki 2001)
- Kadonneet helmet: 20 ennenjulkaisematonta laulua (CD, Mediamusiikki 2002)
- Kadonneet helmet 2: 20 ennenjulkaisematonta laulua (CD, Mediamusiikki 2004)
- 30 suosikkia (CD, Warner Music 2007)
İstinadlar
[redaktə | vikimətni redaktə et]- 1 2 Laila Kinnunen (isveç.). // Biografiskt lexikon för Finland. Svenska litteratursällskapet i Finland.
- 1 2 3 4 5 6 Kansallisbiografia (fin.). / red. Matti Klinge. Suomalaisen Kirjallisuuden Seura, Suomen Historiallinen Seura. ISSN 1799-4349. (İstifadə tarixi: 9 noyabr 2026).
- ↑ Malmille on haudattu monta kuuluisuutta – Matti Pellonpään haudalla on avattu Koskenkorva (fin.). // Ilta-sanomat. Helsinki, Suomi: Sanoma Media Finland. 27 avqust 2016. ISSN 0355-2055; 1798-9760. (28 avqust 2016-cı ildə arxivləşdirilib. İstifadə tarixi: 29 avqust 2016).
- ↑ Biografiskt lexikon för Finland (isveç.). Svenska litteratursällskapet i Finland.
- ↑ Hartikainen, Ville. "Kun Ritva tapasi viimeistä kertaa Laila Kinnusen, hän ei tunnistanut sisartaan – kertoo nyt, miten rakastettu iskelmätähti ajautui tuhoisaan syöksykierteeseen". en:Ilta-Sanomat (fin). 25 oktyabr 2020. 30 yanvar 2025 tarixində arxivləşdirilib. İstifadə tarixi: 30 yanvar 2025.
Entinen laulajatähti oli liukastunut viedessään Nalle-koiraansa ulos. Kaula oli osunut rappusiin.
Ədəbiyyat
[redaktə | vikimətni redaktə et]- Л. Киннунен: Halusin laulaa, halusin rakastaa
- Р. Икявалко: Valoa ikkunassa — Laila Kinnunen
- Т. Вуори-Таберманн: Lailan laulu
Xarici keçidlər
[redaktə | vikimətni redaktə et]
Vikianbarda Layla Kinnunen ilə əlaqəli mediafayllar var.- Лайла Киннунен на сайте Pomus.net Arxiv surəti 30 dekabr 2008 tarixindən Wayback Machine saytında
- Архив YLE Arxiv surəti 4 dekabr 2008 tarixindən Wayback Machine saytında
- Youtube
- 8 noyabrda doğulanlar
- 1939-cu ildə doğulanlar
- Finlandiyada doğulanlar
- 26 oktyabrda vəfat edənlər
- 2000-ci ildə vəfat edənlər
- 60 yaşında vəfat edənlər
- Finlandiyada vəfat edənlər
- Helsinkidə dəfn olunanlar
- Əlifba sırasına görə musiqiçilər
- "Avroviziya" iştirakçıları
- Finlandiya müğənniləri
- Finlandiyanın "Avroviziya" təmsilçiləri
- XX əsr müğənniləri