Landivy
| Kumunioù Frañs | |
|---|---|
| Landivy | |
| Melestradurezh | |
| Riez | |
| Rannvro | Broioù al Liger |
| Bro hengounel | Maine |
| Departamant | Mayenne) |
| Arondisamant | Mayenne |
| Kanton | Gorron |
| Etrekumuniezh | Bocage Mayennais |
| Kod INSEE | 53125 |
| Kod post | 53190 |
| Maer | Claude Hamel (2026-2032) |
| Douaroniezh | |
| 48° 28' 51.891" N – 01° 04' 39.764" K
| |
| Gorread | 28,54 km² |
| Uhelderioù • kreiz • izelañ • uhelañ | 161,5 m 92 m 231 m |
| Poblañs hep kontoù doubl | 1 094 (2023) |
| Stankter | 38 den/km² |
| Internet | landivy.fr |
Landivy zo ur gumun e departamant Mayenne e Bro-C'hall.
Pennlec'h ur c'hanton e oa betek 2015, ar bloaz ma voe staget ouzh kanton Gorron[1].
Lec'hanvadurezh
[kemmañ | kemmañ ar vammenn]Daoust d'an anv Landivy seniñ evel un anv-lec'h brezhonek, ne zeu ket eus Lann- (ul lec'h relijiel er Grennamzer uhel) + Divi ; biskoazh n'eus bet komzet brezhoneg e Mayenne.
Testeniekaet eo ar stumm Landevico en XIvet kantved[2], diwar an anvioù gallek kozh lande ("douar fraost", diwar ar galianeg *landa) ha vic ("kêriadenn", diwar al latin vicus).
Iskis avat eo ar gerdarzh-se, pan eo anvioù-tud eil tamm holl anvioù-lec'h e lande er c'horn-bro-se ; an anv-den « Divi » eo divy marteze(Daveoù a vank), peogwir emañ Landivy war harzoù Breizh.
Monumantoù ha traoù heverk
[kemmañ | kemmañ ar vammenn]- Maen-sonn eus amzer ar C'halianed
- Kastell Mausson
- Iliz katolik Saint-Martin
- Chapel Notre-Dame de Pont-au-Bray
Istor
[kemmañ | kemmañ ar vammenn]Ur maen-sonn eus amzer ar C'halianed zo bet kavet e Landivy ; e-tal an ti-kêr emañ bremañ.
An deog-holen, a zegase war-dro 6% eus pinvidigezh ar rouantelezh c'hall, a redie an dud da brenañ kalz holen. E Landivy e ranked paeañ 59 lur evit 50 kg holen, pa oa 2 lur ar priz e dugelezh Breizh – met uhel ivez e oa ar priz evit treuziñ an harzoù ; floderien neuze a dreizhe an Airon davit holen e Breizh, a adwerzhent e Landivy marc'hadmatoc'h eget ar priz ofisiel met gant ur gounid bras bepred[3].
Tri hent-houarn strizh a gase eus Landivy da Laval ha Mayenne en departamant, ha da Saint-Hilaire-du-Harcouët e Manche. E 1938 ha 1939 e voe serret al linennoù-se, kirri-boutin o erlerc'hiañ outo.
- Porzh-houarn Landivy, kent 1914
Da 1 844 den e save poblañs Landivy e 1911 ; 94 gwaz a gollas o buhez er brezel, eleze 4,5% eus ar boblañs[4]. Unan anezho, ar serjant François Auguste Romain Vannier (1890-1914), bet lazhet d'ar 24 a viz Eost 1914 e Charency-Vezin e Meurthe-et-Moselle, a gelenne er skol a zoug e anv bremañ[5].
A-c'houde skrapadeg ar Vel' d'Hiv e miz Gouere 1942 e voe savet e Landivy meur a rouedad Rezistañs evit saveteiñ bugale yuzev, a lakaed da emzivaded en abeg d'ar brezel hag a veze fiziet e kouerien o mage, o desave, o skoliatae hag o gwareze ; war-dro 70 bugel a voe saveteet en doare-se[6],[7]
D'an 3 a viz Eost 1944 e voe dieubet Landivy gant 358th Infantry Regiment an U. S. Army[8].
- Plakenn war Monumant ar Re Varv
- Kounlec'h an Dieubidigezh
- Plakenn en enor d'ar soudarded stadunanat
Douaroniezh
[kemmañ | kemmañ ar vammenn]Emañ Landivy war harzoù an departamant Mayenne, stok ouzh an departamantoù Il-ha-Gwilen e Breizh ha Manche e Normandi.
- Kumunioù amezek
Div stêr a red dre ar gumun : an Airon (41,8 km he hirder ; un adstêr d'ar Sélune eo) hag he adstêr Cambre (15,2 km).
Melestradurezh
[kemmañ | kemmañ ar vammenn]| Mare | Anv | Strollad | Karg | |
|---|---|---|---|---|
| 1790 | Jean Baptiste Maximilien Voillaume | Person | ||
| 1793 | R. Clouard | |||
| 1793 | Hossard | |||
| 1798 | Hamon | |||
| 1800 | 1813 | Étienne-Pierre Barabé | Noter | |
| 1816 | 1830 | Jean-Baptiste Dugué-Latouche | ||
| 1830 | 1831 | Joseph Hossard | ||
| 1831 | 1836 | César-Marie-Pierre Brochard | ||
| 1836 | 1840 | Louis-René-Alexandre Hamon-Landelle | ||
| 1840 | 1848 | Jean-François Ledauphin-Dubourg[ | Alvokad, barner | |
| 1848 | 1855 | Hyacinthe Hossard | ||
| 1855 | Joseph Hossard | |||
| 1870 | 1878 | Ernest Le Dauphin | Tu dehou | Perc'henn douar |
| 1878 | 1888 | François Hamon[9] | Grefier | |
| 1888 | Le Dauphin | |||
| 1904 | Nourry | |||
| 1915 | 06/10/1922 | Firmin Boulanger[9] | ||
| 11/1922 | 24/12/1922 | Eugène Hallé[9] | ||
| 02/1923 | Henri Guilloux | RG | Barner a beoc'h | |
| 1944 | 1947 | Henri Maudet | Dizalc'h | |
| 1947 | 1995 | Maurice Loisel | Dizalc'h | Mezeg |
| 1995 | 01/2018 | Jean-Pierre Dupuis | DVD | Mezeg-loened |
| 01/2018 | 03/2026 | Marcel Ronceray | Dizalc'h | Kelenner |
| 03/2026 | (2032) | Claude Hamel | Sterner er velestradurezh foran | |
| N'eo ket anavezet c'hoazh an holl fedoù. | ||||
Emdroadur ar boblañs 1793-2023
[kemmañ | kemmañ ar vammenn]
• Andonioù : Cassini hag EBSSA
Notennoù
[kemmañ | kemmañ ar vammenn]- ↑ (fr) Décret n° 2014-209 du 21 février 2014 portant délimitation des cantons dans le département de la Mayenne • Legifrance. Kavet : 02/10/2026.
- ↑ (fr) Dauzat, Albert & Rostaing, Charles. Dictionnaire étymologique des noms de lieux en France. Paris : Larousse, 1966 (ISBN 978-2-85023-076-9)
- ↑ (fr) Salbert, Jacques. La Mayenne des origines à nos jours . Saint-Simon-de-Pellouaille : Nouvelles Éditions Bordessoules, 1991, p. 272 (ISBN 978-2-903504-17-5)
- ↑ (fr) MemorialGenWeb. Kavet : 02/10/2026.
- ↑ (fr) Histoire de Landivy. Kavet : 02/10/2026.
- ↑ (fr) Les Juifs en Mayenne et l'antisémitisme, 1939-1945. Laval : Archives départementales de la Mayenne, 1997, pp. 16-17 (ISBN 978-2-86053-027-9)
- ↑ (fr) Ouest-France, 22/11/2015. Kavet : 02/10/2026.
- ↑ (en) Battle History – Third Batalion 358th Infantry.
- 1 2 3 Marvet e-kerzh e gefridi.


