Skrid

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Anv ur gelaouenn vrezhonek ha hini un dastumadenn, an daou anezho krouet e-barzh Mouladurioù Hor Yezh, hag un ti-embann emren savet e 2000 eo bet Skrid. Strollet eo bet an daou verk evit sevel an ti-embann brezhoneg Barn ha Skrid.

Istor

Krouet eo bet Skrid evel un dastumadenn e-barzh Mouladurioù Hor Yezh diwar intrudu Pêr Denez a felle dezhañ embann ar skridoù savet gant e studierien. Kemeret e voe atebegezh an dastumadenn gant unan anezho, Alan Botrel, barzh ha skrivagner brezhonek, troour diwar ar c'hresianeg, ha deuet da vezañ kelenner e Rann keltiek Skol-veur Roazhon 2, da heul. Gwendal Denez, mab da b-Pêr Denez, ha kelenner er memes lec'h a zo atebeg an embann ivez.
Un eil dastumadenn, Barn he anv, a voe savet evit strollañ embannadennoù war ar skridvarnerezh. Oberenn Anke Simon, An emsav lennegel brezhonek hag an danevelloù berr eo bet levr kentañ an dastumadenn e 1998.

Barzhonegoù e-barzh ar gelaouenn "Skrid"

• Serr-noz keltiek (1976)
• Ar simbol (1976)
• Hag e c'hoarzhent (1977)
• Eured daonet (1977)
• Ar Werzhourien kazetennoù (1977)
• Ar pod lastez (1978)
• Gwerz Bobby Sands (1981)
• Reel (1983)
• Levenez Gouez (1983)
• An hini kozh (1983)
• Ar c'hast (1983)
• Brighton (1984)
• Mello (1984)
• Da Mark ha Paul, daou Iwerzhonad yaouank eus Belfast (1984)
• Matolod-tilher (1884)

Hag un danevell

• An enkrez (danevell-83)

Dastumadenn

Etre 1987 ha 2000 ez eas war wel 8 levr embannet gant Mouladurioù Hor Yezh ha dispaket merk an dastumadenn Skrid warno (sellit ouzh pajenn an ti-embann). Barzhoniezh ha faltazi a veze kavet e-barzh. E-touezh an oberourien, studierien anezho war an dro, Anna Mouradova, ur rusianez hag ar vreudeur Tangi, Bernez ha Lan.

Ti-embann

Goude bezañ bet un dastumadenn levrioù e voe aet Skrid da vezañ un ti-embann dizalc'h. Disklêriet eo bet ar c'hevarzhe d'an 14 a viz Gwengolo 2000 hag e Roazhon emañ ar sez sokial. ha chañchet e anv da v-Barn ha Skrid da c'houde. Krevredet eo e-barzh Kuzul ar Brezhoneg.
Pa seller ouzh katalog Barn ha Skrid dispaket gant Kuzul ar Brezhoneg e spurmanter meur a niverenn embanner e-kreiz an ISBN : re zo hini deroet da v-Mouladurioù Hor Yezh (86833), reoù all zo 95515. Aet eo levrioù kozh an div dastumadenn bet krouet e-barzh Mouladurioù Hor Yezh e kerz an ti-embann m'eo deuet e anvadur diouto.

Bez e voe un nebeud levrioù embannet didan ar merk embann Skrid, met o tispakañ un niverenn embanner diforc'h (95515) eus hini e di-embann tad (86863) :

• Yorgos Seferis, Teir barzhoneg kuzh. Mithistorima, troidigezh Alan Botrel, 1994.
• Giōrgos Cheimônas, Ma beajoù-me, Enebour ar barzh, troidigezh Alan Botrel, 1995.
• Konstantinos Kavafis, Barzhonegoù 1897-1933, troidigezh Alan Botrel, 1997.
• Alan Botrel, Orea ha danevelloù al, Priz Langleiz 1999.

Embannet gant Barn ha Skrid pe gant ar merk golo (dastumadenn) Skrid pe Barn

2005

• Kas ha lazh , danevelloù gant Itsc'hak Katsenelson, Kan war wallazhadeg ar bobl yuzev ; Lamed Shapiro, E kêr an Anaon ; Perets Markish, Ar berniad, lakaet e brezhoneg diwar ar yideg gant Batia Baum ha Koulizh Kedez, kentskrid gant Koulizh Kedez, 196 p. Dastumadenn Skrid. ISBN 2-9525135-0-3. Titloù orin :Dos lid fun oysgehargetn yidishn folk, In a toyter shtot, Di Kupe. Lennegezh yidek.

2007

• Malo Bouëssel du Bourg, Reun Menez Keldreg: melezour ur vuhez , 203 p. Dastumadenn Barn. (ISBN 9782952513524). Priz Glenmor. Skridvarnerezh.
• Lan Tangi, Diwar an uhel, 132 p. (ISBN 9782952513548). Tudoniezh.

2011

• Bernez Tangi, Ar saouzanenn, 80 p. Dastumadenn Skrid. (ISBN 9782952513555). Priz Langleiz 2011. Barzhoniezh.

2016

• Albert Camus, An estren, troet gant Erwan Hupel, 104 p. Dastumadenn Skrid. (ISBN 9782955154106). Romant.
• Bernez Tangi, 1973, 142 p. Dastumadenn Skrid. (ISBN 9782955154113). Romant.

2017

• Lan Tangi, Afrika, 145 p. Dastumadenn Skrid. (ISBN 9782955154120). Danevell-beaj.

2020

• Bernez Tangi, An arvest, 60 p. Dastumadenn Skrid. (ISBN 9782955154144). Barzhoniezh.

2022

• Bernez Tangi, Ar rastellerezh bras, 88 p. Dastumadenn Skrid. (ISBN 9782955154175). Skiant-faltazi.

Niverenn embanner : 95882

2025

• Lan Tangi, Baloutchistan Zindabad!, 132 p. Dastumadenn Skrid. (ISBN 9782958827007). Danevell-beaj.

Liamm diavaez

• Katalog Barn ha Skrid

Pennadoù nes

• Alan Botrel
• Mouladurioù Hor Yezh
• Pêr Denez
• Gwendal Denez