Helmut Berger

C'l artìcul chè 'l è scrit in Miranduléś

Helmut Steinberger, cgnusû méj cuma Helmut Berger (Bad Ischl, 29 ad Maǵ dal 1944 - Saliśbûrg, 18 ad Maǵ dal 2023, a s lèś [ˈhɛlmuːt ˈbɛʁɡɐ] in tedésc), 'l è stâ 'n atōr e mudèl austrìac.

'L è dvintâ famóś anc a 'l èstar par via di persunàǵ catìṿ, maladî e curót ch'l à fat da spés a 'l cìnema tirànd fóra dimóndi vòlti anc na carga sesuàla minga ciàra dal tut. Fra i sò lavōr più impurtànt a 'rcurdém i dū film ch'l à girâ c'n al regìsta Luchino Visconti ch'i fàvan part dla Trilugìa Tedésca: La caduta degli dei (1969), a fiànc ad Dirk Bogarde e dl'Ingrid Thulin in dal rōl candidâ a i Golden Globe ad Martin von Essenbeck ch'in dal film al s travestìs da dóna p'r imitàr la Marlene Dietrich in dal film L'angelo azzurro, e Ludwig (1973) in di pagn dal rè Aldvîg II dla Bavéra.

Fra 'l sò atri pelìculi più cgnusùdi a psém nutàr al drama Metti, una sera a cena (1969), cun Jean-Louis Trintignant, la Florinda Bolkan e Tony Musante, al śal Una farfalla con le ali insanguinate (1971), al drama eròtic Salon Kitty (1975), in dla part d'n amibióś ufisiàł di SS ch'al vōl tōr al cuntròl 'd al caśèṅ purtâ avànti da l'Ingrid Thulin, la cumèdia Mia moglie è una strega (1980), in di pagn dal diàvul Asmodeo ch'al fà turnàr in vita la stria Eleonora Giorgi par vindicàr-'d ad Renato Pozzetto, anvōd a la luntàna 'd un cardinàł ch'al 'l iva fargâ soquànt sécui prima, e 'l drama Il padrino - Parte III (1990) girâ in di Stat Unî cun Francis Ford Coppola insém a Al Pacino e a la Diane Keaton.

Berger, ch'l éra bòṅ ad dascórar in tedésc, francéś, ingléś e itagliàṅ, 'l éra bisesuàł. Dòp na lunga relasiòṅ cun Luchino Visconti andàda avànti in fîṅ a la sò mòrt, in dal 1994 'l à spuśâ la scritōra e regìsta Francesca Guidato ma 'l matrimòni 'l è stâ difìcil anc par via di sò prubléma cun 'l alculìśum.

Filmugrafìa

1967 - Le streghe, regìa 'd Luchino Visconti, Mauro Bolognini, Pier Paolo Pasolini, Vittorio De Sica e Franco Rossi
1968 - I giovani tigri, regìa 'd Antonio Leonviola
1969 - Sai cosa faceva Stalin alle donne?, regìa 'd Maurizio Liverani
1969 - Metti, una sera a cena, regìa 'd Giuseppe Patroni Griffi
1969 - La caduta degli dei, regìa 'd Luchino Visconti
1970 - Il dio chiamato Dorian (Das Bildnis des Dorian Gray), regìa 'd Massimo Dallamano
1970 - Il giardino dei Finzi Contini, regìa 'd Vittorio De Sica
1971 - Il bel mostro (Un beau monstre), regìa 'd Sergio Gobbi
1971 - Una farfalla con le ali insanguinate, regìa 'd Duccio Tessari
1972 - La colonna infame, regìa 'd Nelo Risi
1973 - Ludwig, regìa 'd Luchino Visconti
1973 - I ditteri (Les voraces), regìa 'd Sergio Gobbi
1973 - Girotondo (Reigen), regìa 'd Otto Schenk
1973 - Mercoledì delle ceneri (Ash Wednesday), regìa 'd Larry Peerce
1974 - Gruppo di famiglia in un interno, regìa 'd Luchino Visconti
1975 - Una romantica donna inglese (The Romantic Englishwoman), regìa 'd Joseph Loseley
1976 - Salon Kitty, regìa 'd Tinto Brass
1976 - I mostri della strada (La folle cavale), regìa 'd Denis de La Patellière
1976 - La lunga notte di Entebbe (Victory at Entebbe), regìa 'd Marvin J. Chomsky - Film TV
1977 - La belva col mitra, regìa 'd Sergio Grieco
1978 - Il grande attacco, regìa 'd Umberto Lenzi
1978 - Ordine firmato in bianco (Leidenschaftliche Blümchen), regìa 'd André Farwagi
1979 - Il quinto moschettiere (The Fifth Musketeer), regìa 'd Ken Annakin
1980 - Eroina, regìa 'd Massimo Pirri
1981 - Mia moglie è una strega, regìa 'd Castellano e Pipolo
1982 - Die Jäger, regìa 'd Károly Makk
1983 - Femmes, regìa 'd Tana Kaleya
1983 - Veliki transport, regìa 'd Veljko Bulajić
1985 - Sotto il vestito niente, regìa 'd Carlo Vanzina
1985 - I cacciatori della notte (Code Name: Emerald), regìa 'd Jonathan Sanger
1988 - I predatori della notte (Faceless), regìa 'd Jesús Franco
1989 - La puritana, regìa 'd Nini Grassia
1990 - Il padrino - Parte III (The Godfather Part III), regìa 'd Francis Ford Coppola
1992 - Adelaide, regìa 'd Lucio Gaudino
1993 - Boomtown, regìa 'd Christoph Schrewe - Film TV
1993 - Ludwig 1981, regìa 'd Donatello Dubini e d' Fosco Dubini
1995 - L'ombra del faraone (L'ombre du pharaon), regìa 'd Souheil Ben-Barka
1996 - L'ultimo concerto, regìa 'd Francesco Laudadio - Film TV
1997 - Teo, regìa dla Cinzia TH Torrini - Film TV
1999 - Under the Palms, regìa dla Mirjam Kruishoop
2004 - Honey Baby, regìa 'd Mika Kaurismäki
2008 - Zora Red, regìa 'd Peter Kern
2009 - Iron Cross, regìa 'd Joshua Newton
2010 - Blutsfreundschaft, regìa 'd Peter Kern
2011 - Mörderschwestern, regìa 'd Peter Kern
2013 - Il violinista del diavolo (The Devil's Violinist), regìa 'd Bernard Rose
2014 - Saint Laurent, regìa 'd Bertrand Bonello
2015 - Helmut Berger, actor, regìa 'd Andreas Horvath
2016 - Timeless, regìa 'd Alexander Tuschinski
2019 - Helmut Berger, My Mother and Me, regìa dla Valesca Peters
2019 - Liberté, regìa 'd Albert Serra

Culegamènt estéran

Àtar prugèt

Wikimedia Commons contiene file multimediali su Helmut Berger