Malplena aro
| Malplena aro | ||
|---|---|---|
 | ||
| aro nulmezura aro nulopo fermita aro malfermita aro finia aro  | ||
En matematiko, kaj pli specife en aroteorio, malplena aro aŭ nenioma aro[1] estas la unika aro, kiu ne enhavas elementojn. En aksioma aroteorio ĝia ekzisto estas postulata per la aksiomo de malplena aro kaj ĉiuj finiaj aroj estas konstrueblaj pere de ĝi. La malplena aro estas fojfoje nomata nula aro, sed ĉar nula aro signifas ion alian en teorio de mezuro, uzo de ĉi tiu termino por malplena aro estas ĝenerale evitinda.
Diversaj ĝeneralaj ecoj de aroj estas triviale veraj por la malplena aro.
Notacio
[redakti | redakti fonton]La norma notacio por malplena aro estas la simbolo aŭ ∅. Oni ne konfuzu tiun ĉi signon kun la skandinava vokalo Øø kaj la greka litero Φ.
Por kompari, vidu la tri signojn kune: ∅ Øø Φ – la signo de malplena aro estas bazita sur geometria cirklo, sed la skandinava litero similas al ovalo kiel litero 'O'.
La signo de malplena aro "∅" havas unikodan kodon U+2205. Komuna TeX-a pakaĵo uzas por ĝi skribojn \emptyset kaj \varnothing, kiuj respektive aperas kiel:
Alia komuna notacio por la malplena aro estas {}.
Ecoj
[redakti | redakti fonton]- Por ĉiu aro A, la malplena aro estas subaro de A:
- : ∀A: ⊆ A
- Por ĉiu aro A, la kunaĵo de A kun la malplena aro estas A:
- : ∀A: A ∪ = A
- Por ĉiu aro A, la komunaĵo de A kun la malplena aro estas la malplena aro:
- : ∀A: A ∩ =
- Por ĉiu aro A, la kartezia produto de A kaj la malplena aro estas malplena:
- : ∀A: A × =
- La sola subaro de la malplena aro estas la malplena aro:
- : ∀A: A ⊆ ⇒ A =
- La nombro de elementoj de la malplena aro (tio estas: ĝia kardinalo) estas nulo; kaj malplena aro estas finia:
- : || = 0
- Por ĉiu eco:
- por ĉiu elemento de la eco estas vera
- forestas elemento de , por kiu la eco estas vera
- Male: se, por iu eco, jenaj du propozicioj estas valudaj samtempe:
- por ĉiu elemento de V la eco veras
- forestas elemento de V, por kiu la eco estas valida
- tiam V =
Rolo de malplena aro en matematiko
[redakti | redakti fonton]Eblas diri, ke per la malplena aro komenciĝas la matematiko, ĉar oni povas uzi ĝin por ekkrei la entjerojn; el la entjeroj eblas konstrui aliajn nombrojn ktp.
Laŭ John von Neumann, oni povas procedi jene:
- kiun kvanton da elementoj kunmetas la malplena aro {}? Nul (0).
- kiun kvanton da elementoj kunmetas la aro {0} ? Unu (1).
- kiun kvanton da elementoj kunmetas la aro {0,1} ? Du. Ktp.
Tiel oni povas difini ĉiujn entjerojn, uzante nur unu aĵon.
Matematikistoj kutime parolas pri "la malplena aro", ĉar laŭ aroteorio du aroj estas samaj, se ili havas la samajn elementojn; pro tio povas esti nur unu senelementa aro.
Referencoj
[redakti | redakti fonton]- ↑ Nova Plena Ilustrita Vortaro de Esperanto: neniom/a “nenioma aro”
Vidu ankaŭ
[redakti | redakti fonton]
