Algerera

Algerera
Algereraren eremuaren kokapena katalan hiztun lurraldeetan.
Datu orokorrak
Hiztunak	25.000 (2005)
UNESCO sailkapena	3: arriskuan
Hizkuntza sailkapena
giza hizkuntza indoeuropar hizkuntzak hizkuntza italikoak latino-faliskar hizkuntzak hizkuntza erromantzeak italo-mendebaldeko hizkuntzak mendebaldeko hizkuntza erromantzeak hizkuntza galo-iberiarrak hizkuntza galo-erromantzeak hizkuntza okzitano-erromantzeak katalan sortaldeko katalan
Alfabetoa	latindar alfabetoa
Hizkuntza kodeak
Glottolog	algh1238
Linguist List	cat-alg
UNESCO	1343
IETF	ca-IT
Endangered Languages Project	944

Algerera (alguerès) Sardiniako Alguer (edo Alghero) hirian mintzatzen den katalanaren aldaera da. Algerera gutxiengo baten hizkuntza gisa onartzen du Italiako errepublikak eta Sardiniako Erkidego Autonomoak (sardinierarekin batera).

Egun, algerera katalanaren ekialdeko dialektoen multzoko aldaera da, italieraren, sardinieraren eta gaztelaniaren eragin handia badu ere. Era berean, katalanaren arkaismoak mantzentzen ditu, katalanez mintzatzen diren gainontzeko lurraldeekiko isolaturik egotearen ondorioz.

Erabilera

Katalanaren dialektoak

Sardiniako hizkuntza eta dialektoak. Marroi ilunez, algerera

1990eko hamarkadan Alguerreko biztanleriaren % 30 mintzatzen zen algereraz eta % 65k ulertzen zuen. Biztanleen erdiak, era berean, sardinieraren dialektoak ere (logudorearra eta korsikeraren eragina duen sasarearra) ulertzen zituen.

2004an Kataluniako Generalitateak bultzatutako ikerketa batek ondoko emaitzak eman zituen:

	Jatorriko hizkuntza	Ohiko hizkuntza
Italiera	% 59,2	% 83
Algerera	% 22,4	% 13,9
Sardiniera	% 12,3	% 2,8
Iturria: Alguerreko hizkuntz ohiturei buruzko inkesta

Ikus, gainera

• Katalanaren dialektoak
• Italiako hizkuntzak

Kanpo estekak

• (Katalanez) Algereraren egoerari buruzko bideoa

• Datuak: Q585704