Javier Cercas

Javier Cercas
Javier Cercas en 2016
Información pressonal
Nombre en español	José Javier Cercas Mena
Nacencia	6 d'abril de 1962 (64 años) Ibahernando (España)
Nacionalidá	Española
Educación
Educau en	Universidad Autónoma de Barcelona (Lic. en Filología hispánica) Universidad de Barcelona (Doc.)
Información prehessional/profissional
Oficiu	Profissol nuversitariu, pediorista, trauziol, escrevienti y periodista de opinión
Ária	Escritura, prosa, periodismo de opinión, traducción y pediorismu
Cargus acupaus	Miembro de la Real Academia Española (desde 2024)
Empreaol	Universidad de Illinois en Urbana-Champaign Universidad de Gerona
Género	Crónica y ensayo

José Javier Cercas Mena (Vivarnandu, Caçris, 6 d’abril de 1962) es un novelista español i una delas figuras prencipalis dela literatura atual. La su vida á transcurríu entre la Girona dela infancia i adolescencia, ondi volvió más tardi comu professor; Barcelona, ondi cursó estudius nuversitarius i ondi residi ogañu; i los EE. UU., ondi dio classis duranti un tiempu. En 2001 publicó Soldados de Salamina, que fue un ésitu dientru i fuera d’España, i recibió elojus de pressonalidais comu Mario Vargas Llosa, George Steiner, J. M. Coetzee o Susan Sontag.

La obra de Cercas se caracteriza pola esploración delas rayas entre la realidá i la ficción —él mesmu á definíu angunas delas sus novelas comu “relatos reales”—, siempri cola mira puesta nel escrutiniu del presenti i delas sus clavis. La publicación de El monarca de las sombras —febreru de 2017— cierra esti exerciciu literariu de memoria pressonal sobri la guerra civil española.

La su obra á síu traducía a más de trenta lenguas i á recibíu numerosus premius nacionalis i enternacionalis, comu’l Premio al Libro Europeo 2016 pola su obra El impostor, el Premio André Malraux 2018 por El monarca de las sombras i el Premio Planeta 2019 por Terra Alta.

Biografía

Javier Cercas Mena tuvo nacencia en Vivarnandu, un pequeñu monicipiu español dela provincia de Caçris, Estremaúra, assitiau a unos 18 km de Trujillo i 63 km dela capital provincial, cuna puebración d’alreol de 540 abitantis. En 1966, a los quatro añus d’edá, se trasladó cola su familia a Gerona.

En 1985 se licenció en Filología hispánica ena Nuversidá Autónoma de Barcelona, i más tardi se doctoró ena mesma especialidá ena Nuversidá de Barcelona. Trabajó duranti dos añus ena Nuversidá d’Illinois n’Urbana, época ena qu’escribió la su primera novela. Dendi 1989 encetó a exercel comu professor de literatura española ena Nuversidá de Gerona, i escribió artículus i reseñas pa distintus periódicos. Ata ogañu es colaboraol habitual del diariu El País.

En 2001, Cercas publicó la su novela Soldados de Salamina, cola qual consiguió reconocimientu a nivel mundial i recibió críticas favorablis de destacaus escrivientis. Es bilingüi en castellanu i catalán, i palra inglés, francés i italianu.

Infancia i adolescencia

José Javier Cercas Mena es iju de José Cercas i Blanca Mena, amás de primu carnal del políticu Alejandro Cercas. Tuvo nacencia n’Ibahernando, un pequeñu monicipiu español dela provincia de Caçris, Estremaúra. En 1966, a los quatro añus d’edá, se trasladó cola su familia a Gerona. Ata los quinci añus, viajó tolos vranus al su puebru natal, manteniendu con Ibahernando una relación estrecha que conserva ata ogañu.

Duranti la su adolescencia s’interessó pola literatura i el cine. Angunus biembrus dela su familia cercana, incluyíu’l su pai, eran falangistas, peru él encetó a formal una opinión propia dela guerra civil española leyiendu sobri’l tema.

Moceá i edá adulta

En 1985, se licenció en Filología hispánica ena Nuversidá Autónoma de Barcelona i más tardi se doctoró ena mesma especialidá ena Nuversidá de Barcelona. Trabajó duranti dos añus ena Nuversidá d’Illinois n’Urbana, época ena qu’escribió la su primera novela. Dendi 1989, encetó a exercel comu professor de literatura española ena Nuversidá de Gerona, i escribió artículus i reseñas pa distintus periódicos. Ata ogañu es colaboraol habitual dela edición catalana i del suplementu dominical del diariu El País.

Endispués d’habel vivíu varius añus en Barcelona, Cercas volvió cola su esposa i el su iju a Gerona en 1999. Ata l’añu 2000, Javier Cercas era un escrivienti mui pocu conocíu. Estu se vei nel hechu de qu’en una antología d’autoris españolis publicá esi añu, titulá Páginas amarillas, no está incluyíu ena lista d’escrivientis dela su mesma generación. A pesal d’ellu, el su amigu, el reconocíu escrivienti chilenu Roberto Bolaño, reconocía n’él un escrivienti con talentu i l’animó a acontinal escribiendu.

Consolidación literaria

Javier Cercas ena Feria del Libro de Madrid de 2009

Javier Cercas entrevistau por Rodrigo Pinto nel Festival Puerto de Ideas 2016, Teatru del Parque Cultural de Valparaíso.

En 2001, Cercas publicó la su novela Soldados de Salamina, que lo convirtió nun escrivienti reconocíu mundialmenti, recibiendu escelentis críticas de prestigiosus escrivientis comu Mario Vargas Llosa, J. M. Coetzee, Doris Lessing, Susan Sontag i George Steiner. Las numerosas ventas desta obra premitierun al escrivienti dedical-si esclusivamenti a escribil, dexandu’l su oficiu comu professor de filología. Una versión cinematográfica desta novela s’estrenó dos añus endispués, baxu la direción de David Trueba.

La su siguiienti novela, La velocidad de la luz, qu’apaeció en 2005, fue considerá libru del añu pol periódicu La Vanguardia i Qué Leer, i recibió distintus premius. Enas sus novelas siguiientis, Anatomía de un instante (2009), Las leyes de la frontera (2012), El impostor (2014) i El monarca de las sombras (2017), l’autor á manteníu un fuerti interés polos periodus estóricus dela guerra civil española i la Transición española posterior al franquismo.

La su obra á síu traducía a más de trenta lenguas. Pola su parti, él mesmu á traducíu a autoris catalanis contemporánius i a H. G. Wells.

Estilu i infrujencias

La narrativa de Cercas se caracteriza pol gastu dela novela testimonio, ena que se mezclan hechus verídicus i ficticius, sin que queden claras las rayas entre unus i otrus. Pal escrivienti, toa novela es autobiográfica, enque amás debi conlleval una catarsis, una forma de salvación. Esta manera de vel la literatura, qu’aplica ala estrutura i ala forma de relatál las sus estorias, á síu celebrá por muchus, peru tamién á generau críticas n’otrus, comu l’escrivienti Félix de Azúa o’l periodista Arcadi Espada, que defienden una mayol claridá enas rayas entre ficción i realidá. Las sus obras suelin estal ambientás sobri tó n’entornus urbanus, abarcal periodus del tiempu presenti o del passau cercanu i tenel un tonu amabli i, n’ocasionis, humorísticu.

En quantu al processu d’escritura, sigún el propiu autor, enque las sus novelas son toas mui diferentis, toas ellas encetan cuna pregunta, i el libru correspondi a una busca dela su respuesta, que finalmenti no se consigui, o bien la respuesta es la pregunta en sí mesma. L’escrivienti afirma qu’al encetal una nueva novela namás tien una idea vaga sobri ella, i esta se va definiendu a midía que se va desenvolviendu. Á dichu que’l su ideal son las «novelas fáciles de leer y difíciles de entender», comu es el casu de Don Quijote de la Mancha, la su novela favorita.

El mesmu autor reconoci nel cuentista argentinu Jorge Luis Borges una delas sus mayoris infrujencias i estímulus pa escribil, i encetó a leel-lo alos catorzi añus d’edá. Assina mesmu, reconoci que pa él los dos autoris más importantis dela literatura son Borges i Franz Kafka.

Pa Cercas, el papel del articulista es ábati opuestu al del novelista, enque una mesma pressona puei sel capaci d’exercel dambos sin problemas.

Ideología política

Las novelas i crónicas de Javier Cercas suelin tenel un fuerti conteníu políticu, pol qual se presenta comu autor de tendencia d’isquierda, enque tamién es críticu col discursu i l’estau atual dela isquierda nel su país. Es amás un fuerti opositor ala dictadura de Francisco Franco, i á polemizau con distintus intelectualis, periodistas i políticus sobri las responsabilidais duranti la guerra civil española, la dictadura i la Transición Española. Entre otrus, á debatíu con José Ignacio Wert i Gregorio Morán.

Á vivíu ábati toa la su vida en Cataluña, peru se considera, enas sus palabras, un «extremeño catalanizado o un catalán que no acierta a dejar de ser extremeño (o al revés)». Cercas evita en general los nacionalismos, que considera una cuestión passional. Esti antinacionalismu l’á llevau a disputas con otrus escrivientis i estoriaoris, comu Joan B. Culla, i a critical abiertamenti a manifestantis simpatizantis d’ETA. Tamién s’á mostrau favorabli a una Uropa federá o confederá.

L’escrivienti se declara ateu i anticlerical, i tien muchu interés ena política dela Ciudad del Vaticano.

Biembru dela RAE

En 2024 fue nombráu biembru dela Real Academia Española, ocupandu la silla 'R', que quedó vacanti al moril Javier Marías el 11 de setiembri de 2022. Tomó possessión el 24 de noviembri de 2024 cola lectura del discursu "Malentendidos de la Modernidad. Un manifiesto".

Obras

Novelas

• 1987 - El móvil (reeditá namás cola novela corta homónima en 2003 por Tusquets i en 2017 por Literatura Random House, con prólogu del autor)
• 1989 - El inquilino (reeditá en 2000 por Acantilado i en 2019 por Literatura Random House, con prólogu del autor)
• 1997 - El vientre de la ballena (reescrita i reeditá en 2014 por Literatura Random House, con prólogu del autor)
• 2001 - Soldados de Salamina (reeditá con correcionis en 2015 por Literatura Random House, con epílogu del autor, i en 2017 ena coleción Letras Hispánicas, de Cátedra; publicá comu novela gráfica en 2019 por Reservoir Books.)
• 2002 - Una oración por Nora
• 2005 - La velocidad de la luz (reeditá en 2013 por Literatura Random House, con prólogu del autor)
• 2009 - Anatomía de un instante
• 2012 - Las leyes de la frontera
• 2014 - El impostor
• 2017 - El monarca de las sombras
• 2019 - Terra Alta
• 2021 - Independencia
• 2022 - El castillo de Barbazul
• 2026 - El periódico de la democracia

Recopilacionis d’artículus

• 1998 - Una buena temporada
• 2000 - Relatos reales (reeditau en 2020 por Literatura Random House, con prólogu del autor)
• 2006 - La verdad de Agamenón (reeditau en 2013 por Literatura Random House con angunus cambius nel prólogu i dos artículus menus)
• 2016 - El punto ciego
• 2016 - Formas de ocultarse
• 2023 - No callar

Otrus

• 1993 - La obra literaria de Gonzalo Suárez
• 2003 - Diálogos de Salamina: un paseo por el cine y la literatura (con David Trueba; Luis Alegre, ed.; David Airob, fot.)
• 2025 - El loco de Dios en el fin del mundo

Traducionis

• 1992 - Francesc Trabal, El hombre que se perdió
• 1997 - H. G. Wells, El país de los ciegos y otros relatos (reeditau en 2005)
• 1997 - Imma Monsó, Nunca se sabe
• 1997 - Quim Monzó, Guadalajara
• 1998 - Sergi Pàmies, La gran novela sobre Barcelona
• 2002 - Ponç Puigdevall, Àlbum Galmés
• 2003 - Quim Monzó, Ochenta y seis cuentos
• 2004 - Quim Monzó, Splassshf

Prólugus

• 2012 - Felipe Alaiz, El arte de escribir sin arte
• 2022 - Ramón de España, Barcelona fantasma, Vegueta Ediciones (Barcelona)

Pinículas

• 2003 - Soldados de Salamina (basá ena novela homónima publicá en 2001. Dir: David Trueba).
• 2017 - El autor (basá ena novela El móvil publicá en 1987; Dir.: Manuel Martín Cuenca).
• 2021 - Las leyes de la frontera (basá ena novela homónima publicá en 2012. Dir.: Daniel Monzón).

Adaptacionis al teatru

• 2007 - Soldados de Salamina (basá ena novela homónima publicá en 2001. Bitó Produccions. Dir.: Joan Ollé).
• 2022 - 23-F. Anatomía de un instante (basá ena novela homónima publicá en 2009. Heartbreak Hotel. Dir.: Àlex Rigola).Prantilla:Reftermina

Premius

Prantilla:Columnas Por Soldados de Salamina

• Premio Salambó de Narrativa 2001
• Premio Qué Leer 2001
• Premio Crisol 2002
• Premio Llibreter 2001
• Premio Cálamo 2001
• The Independent Foreign Fiction Prize (Reino Unido)
• Premio Extremadura a la Creación a la mejor Obra Literaria de Autor Extremeño por Soldados de Salamina (España) 2002
• Premio Grinzane Cavour (Italia) 2003
• Premio de la Crítica de Chile (Chile)
• Premi Ciutat de Barcelona 2001
• Premio Ciudad de Cartagena
• Medalla de Extremadura 2005

Por La velocidad de la luz

• Premio Arzobispo Juan de San Clemente 2006
• Cartelera Turia 2006
• Athens Prize for Literature 2006

Por Anatomía de un instante

• Premio Nacional de Narrativa 2010
• Premio Internacional Terenci Moix 2010
• Premio Jean Morer (Francia) 2011

• Premio Mondello 2011 (Italia)
• Premio Radovan Galonja que se otorga anualmente al mejor libro publicado en la antigua región yugoslava 2016

Por Las leyes de la frontera

• Premio Mandarache 2014
• Prix Méditerranée Étranger (Francia) 2014
• Premio Casino da Póvoa, Oporto (Portugal) 2016

Por "El impostor"

• Premio Arzobispo Juan de Sanclemente 2015
• Premio Speziale Internazionale Ceppo di Pistoia (Italia) 2015
• Premio Littéraire de l’UIAD (Francia) 2015
• Premio Letterario Isola d’Elba ‘Raffaelo Brignetti’ (Italia) 2016
• Premio Taofen (Pekín) a la mejor novela extranjera traducida en China 2016
• The 21st Century Annual Best Foreign Novels (China) 2016
• Premio Friuladria La Storia in un Romanzo (Italia) 2016
• Prix du Livre Européen 2016
• Finalista del Man Booker International Prize 2017

Por "El monarca de las sombras"

• Prix André Malraux (Francia) 2018

Por "El loco de Dios en el fin del mundo"

• Premio Jacques Delors (Francia) 2025Prantilla:Nueva columna

Por Terra Alta

• Premio Planeta 2019
• Dagger Crime Fiction in Translation (Reino Unido) 2023
• Prix Littéraire Déodat de Séverac (Francia) 2023

Otrus

• Grinzane Cavour de narrativa 2003
• Premio de la Crítica de Chile
• Premio Fundación Fernando Lara
• Premio Internazionale del Salone del Libro di Torino 2011
• Premio Ulysse (Francia) a toda la obra 2011
• Premio Lara de la prensa especializada
• Premio Littéraire de l’UIAD (Francia) 2015
• Premio Internazionale alla Carriera per l'anno (Premio Letterario L. Mastronardi Cittá di Vigevano) 2018
• Premio de Las Letras Región de Murcia por su trayectoria literaria 2018
• Premio Sicilia (Italia) por su trayectoria literaria 2019
• Premio Festival Eñe 2019
• Prix Dialogo por su trayectoria literaria (Francia) 2019
• Premio de Periodismo Francisco Cerecedo 2019
• Premio de Literatura Flaiano (Italia) por su trayectoria literaria 2020
• Premio Mariano de Cavia 2021
• Premio Influential de Cultura (El Confidencial) 2021
• Prix Metropolis Bleu, a toda la obra (Montreal, Canadá) 2021
• Premio letterario nazionale “Fulvia” (Italia) 2022
• International Literary Flame Award (Montenegro) 2023
• Premio Incrocci di Civiltà, por su trayectoria (Venecia, Italia) 2023
• Professore Onorario de la Università Gabrielle d'Annunzio de Chieti-Pescara 2023
• Premio Antea por su trayectoria (Feria del Libro de Bilbao) 2023
• Nord Sud International Prize Fondazione Pescarabruzzo 2023

Bibliografía sobri la obra de Javier Cercas

• Bermúdez Montes, María Teresa. “Unha aproximación á pragmática textual en Soldados de Salamina (2001), de Javier Cercas”. Revista de investigación en educación, N.º 8, 2010, pp. 117-127.
• Cervera Salinas, Vicente. “Javier Cercas, El Impostor. Barcelona, Penguin Random House, 2014”. Cartaphilus: Revista de Investigación y Crítica Estética, ISSN-e 1887-5238, Vol. 12, 2014, pp. 312-314.
• Dolgin Casado, Stacey. “Ficción y realidad en Javier Cercas”. Cuadernos hispanoamericanos, ISSN 0011-250X, N.º 719, 2010, pp. 89-104.
• Eusebio, Carmen de. “Javier Cercas: El pasado no es ajeno al presente, es una dimensión del presente". Cuadernos hispanoamericanos, ISSN 0011-250X, N.º 753, 2013, pp. 105-116
• García Nespereria, Sofía. “El "relato real" de Javier Cercas: la realidad de la literatura”. Confluencia: Revista hispánica de cultura y literatura, ISSN 0888-6091, Vol. 24, N.º 1, 2008, pp. 117-128.
• Gómez Trueba, Teresa. “"Esa bestia omnívora que es el yo": el uso de la "autoficción" en la obra narrativa de Javier Cercas”. Bulletin of Spanish Studies: Hispanic Studies and Research on Spain, Portugal and Latin America, ISSN 1475-3820, Vol. 86, N.º 1, 2009, pp. 67-83.
• González Sainz, José Ángel. “La obsesión y el secreto. Los aciertos de Javier Cercas”. Letra internacional, ISSN 0213-4721, N.º 75, 2002, pp. 69-71.
• Lucas Chorro, Miguel Ángel. Anatomía de un escritor: El espacio del silencio, la dimensión fantástica y el compromiso con la historia en la obra literaria de Javier Cercas, Sevilla, Universidad de Sevilla, 2017 (Tesis doctoral).
• Mallorquí Ruscalleda, Enric. “Responsabilidad, memoria y testimonio en Soldados de Salamina de Javier Cercas”. Hispanic Research Journal: Iberian and Latin American Studies, ISSN 1468-2737, Vol. 15, N.º 3, 2014, pp- 256-270.
• Marr, Matthew J. “Stepping Westward from Spain: Literary and Cultural Reversal in Recent Transatlantic Academic Novels by Josefina Aldecoa, Javier Cercas and Antonio Muñoz Molina”. Anales de la literatura española contemporánea, ALEC, ISSN 0272-1635, Vol. 33, N.º 1, 2008, pp. 105-126.
• Martín, Rebeca. “"El pacto" y La verdad de Agamenón, de Javier Cercas: de dobles, tratos diabólicos y escritores frustrados”. Salina: revista de lletres, ISSN 1137-6651, N.º. 20, 2006, pp. 209-216.
• Martínez Góngora, Mar. “Los héroes del 23F en Anatomía de un instante, de Javier Cercas: masculinidades en transición de Rosa Chacel”. Crítica hispánica, ISSN 0278-7261, Vol. 36, N.º 2, 2014, pp. 5-29.
• Pino, José M. del. “Autobiografía y metanovela de Javier Cercas”. Riff Raff: revista de pensamiento y cultura, ISSN 1135-8106, N.º 29, 2005, pp. 49-52.
• Richmond Ellis, Robert. “Memory, Masculinity, and Mourning in Javier Cercas's Soldados de Salamina”. Revista de estudios hispánicos, ISSN 0034-818X, Vol. 39, N.º 3, 2005, pp. 515-535.
• Ródenas de Moya, Domingo. “Introducción a Soldados de Salamina”, en J. Cercas, Soldados de Salamina, Madrid, Cátedra, 2018, pp. 9-188.
• Rodríguez de Arce, Ignacio. El gesto postmoderno en la narrativa de Javier Cercas. De 1987 a 2012, Roma, Aracne Editore, 2021.
• Rubinat Perellada, Ramón. Crítica de la obra literaria de Javier Cercas: Una execración razonada de la figura del intelectual, Vigo, Editorial Academia del Hispanismo, 2014.
• Silva, Manuel. Javier Cercas en la búsqueda de la verdad narrativa de El móvil a Terra alta, Cáceres, Universidad de Extremadura, 2021 (Tesis doctoral).
• Valdés, Enrique. “Héroes y villanos en Soldados de Salamina de Javier Cercas”. Alpha: revista de artes, letras y filosofía, ISSN 0716-4254, N.º 25, 2007, pp. 193-204.
• Viestenz, William. "Anatomía de un instante by Javier Cercas: The Novel in its Embryonic State”. Hispanic Research Journal: Iberian and Latin American Studies, ISSN 1468-2737, Vol. 15, N.º 6, 2014, pp. 547-564.
• Zhu, Jierong. La autoficción. Una investigación teórica y un ejemplo en las narraciones de Javier Cercas, Granada, Universidad de Granada, 2020 (Tesis doctoral).

Bibliografía

• Cercas, Javier (2002). Una oración por Nora (I edición). Mérida: Editorial Regional de Extremadura. ISBN 84-7671-675-3. 
• Cercas, Javier (2005). La velocidad de la luz (colección andanzas, I edición). Barcelona: Tusquets Editores. ISBN 84-8310-298-6. 
• Cercas, Javier (2006). La verdad de Agamenón (I edición). Barcelona: Tusquets Editores. ISBN 84-8310-339-7. 
• Cercas, Javier (2009). Anatomía de un instante (tapa blanda, I edición). Barcelona: Mondadori. ISBN 978-84-397-2312-7. 
• Cercas, Javier (2012). Las leyes de la frontera (I edición). Barcelona: Mondadori. ISBN 978-84-397-2688-3. 
• Cercas, Javier; Trueba, David (2003). Alegre, Luis, ed. Diálogos de Salamina: Un paseo por el cine y la literatura (I edición). Madrid y Barcelona: Plot Ediciones y Tusquets Editores. ISBN 84-8310-809-7. 

Enlazis esternus

• En Commons ai conteníu multimedia sobre Javier Cercas.
• Javier Cercas charla con Sergio Vila-Sanjuán, Fundación Juan March, 13 de diziembri de 2023