Kilkenny (en inglés) ou Cill Chainnigh (en irlandés) é unha cidade irlandesa da provincia de Leinster (Irlanda), á beira do río Nore no condado de Kilkenny do cal é a capital. Ten unha poboación de 22.179 habitantes (censo de 2006), dos cales 8.625 residen na cidade (facéndoa a cidade máis pequena de Irlanda), e ten unha altitude de 60 m sobre o nivel do mar.
Kilkenny recibiu o sobrenome durante séculos, e polo cal se fixo famosa, de "Cidade do mármore" (the "Marble City"), debido ao tipo de pedra negra que se atopa nas proximidades e que serve de adorno a moitos dos seus edificios.
