Kuressaare
Kuressaare é unha cidade da illa de Saaremaa, en Estonia. É o centro administrativo do concello de Saaremaa e a sede do condado de Saare. Kuressaare é a cidade máis occidental de Estonia. A poboación rexistrada o 1 de xaneiro de 2024 era de 13 185 habitantes.[1][2]
A cidade está situada na costa sur da illa de Saaremaa, fronte ao golfo de Riga do mar Báltico, e está servida polo aeroporto de Kuressaare, o porto de Roomassaare e o porto de iates de Kuressaare.
Etimoloxía
[editar | editar a fonte]
O nome histórico de Kuressaare, Arensburg[3] (do alto alemán medio a(a)r: aguia, ave rapaz), provén da denotación latina arx aquilae para o castelo da cidade. A fortaleza e a aguia, símbolo tetramorfo de San Xoán Evanxelista, tamén aparecen representadas no escudo de Kuressaare.
A cidade, que medrou ao redor da fortaleza, era coñecida simultaneamente como Arensburg e Kuressaare linn;[4] este último nome é unha combinación de Kuressaare -un nome antigo da illa de Saaremaa- e linn, que significa cidade.[5] Alternativamente, o nome da cidade pode vir de kurg (grou) e saare (illa), un nome que puido proceder do nome e do escudo alemáns da cidade, ou puido existir antes da chegada dos colonos alemáns.[6] Finalmente, o nome da cidade ficou como Kuressaare[5] e fíxose oficial en 1918 despois de que Estonia declarara a súa independencia da República Soviética Federativa Socialista de Rusia.[15] Baixo o dominio soviético, a cidade pasou a chamarse Kingissepa en 1952. Este nome veu do bolxevique de Kuressaare, Viktor Kingissepp[5], executado en 1922. O nome Kuressaare foi restaurado en 1988.[5]
Barrios
[editar | editar a fonte]Hai nove barrios en Kuressaare:[7]
- Ida-Niidu.
- Kesklinn.
- Kellamäe.
- Marientali.
- Põllu alev.
- Roomassaare.
- Smuuli.
- Suuremõisa.
- Tori.
Clima
[editar | editar a fonte]Kuressaare ten un clima continental húmido con veráns cálidos, lindando cun clima oceánico, categorizado como Dfb no sistema de clasificación climática de Köppen.[8] O seu clima é bastante semellante ao de Shelburne, Nova Escocia (no Canadá).[9]
| Datos climáticos para Kuressaare (1971–1999) | |||||||||||||
|---|---|---|---|---|---|---|---|---|---|---|---|---|---|
| Mes | Xan | Feb | Mar | Abr | Mai | Xuñ | Xul | Ago | Set | Out | Nov | Dec | Anual |
| Temperatura máxima en °C | 8,3 | 10,8 | 12,1 | 24,0 | 26,2 | 31,4 | 30,9 | 32,0 | 24,5 | 18,6 | 12,6 | 9,4 | 32,0 |
| Media máxima en °C | −0,1 | −0,8 | 1,8 | 7,5 | 14,6 | 18,6 | 20,7 | 20,0 | 15,1 | 9,9 | 4,8 | 1,6 | 9,5 |
| Media diaria en °C | −2,2 | −3,3 | −0,9 | 3,6 | 10,0 | 14,5 | 16,9 | 16,4 | 11,9 | 7,4 | 2,8 | −0,4 | 6,4 |
| Media mínima en °C | −4,9 | −6,2 | −3,8 | 0,4 | 5,7 | 10,4 | 13,1 | 12,7 | 8,8 | 4,7 | 0,6 | −3,1 | 3,2 |
| Temperatura mínima en °C | −31,6 | −29,8 | −20,9 | −9,4 | −3,8 | 1,0 | 6,4 | 3,7 | −3,1 | −9 | −16,4 | −32,6 | −32,6 |
| Precipitación media mm | 44 | 31 | 33 | 35 | 32 | 49 | 58 | 63 | 71 | 72 | 72 | 59 | 617 |
| Media de días con precipitacións (≥ 1.0 mm) | 11 | 8 | 9 | 8 | 6 | 7 | 7 | 10 | 12 | 12 | 14 | 14 | 118 |
| Humidade relativa media (%) | 87 | 86 | 85 | 79 | 71 | 75 | 78 | 80 | 82 | 84 | 86 | 87 | 82 |
| Fonte: Estonian Weather Service[10][11] | |||||||||||||
Galería
[editar | editar a fonte]
Edificios históricos no centro da cidade.
Casa do concello.
Castelo.
Antiga casa da Cabalaría de Ösel.
Notas
[editar | editar a fonte]- ↑ "Rahvastik soo, vanuserühma ja 2017. aasta haldusreformi järgse elukoha järgi, 1. jaanuar". Statistics Estonia. Consultado o 22 de decembro de 2021.
- ↑ Statistics Estonia
- ↑ Bes, Lennart; Frankot, Edda; Brand, Hanno (2007). Baltic Connections: Denmark, Estonia, Finland, Germany. BRILL. p. 178. ISBN 978-90-04-16431-4. Consultado o 4 de xuño de 2012.
- ↑ "Kuressaare linn".
- 1 2 3 4 Pospelov (1993), p. 28
- ↑ "Kuressaare". [KNR] Dictionary of Estonian Place names. Eesti Keele Instituut (Estonian Language Institute). Consultado o 10 de xullo de 2022.
- ↑ "LINNAOSADE JA -JAGUDE LÜHENDID". www.eki.ee (en estoniano). Consultado o 18 de marzo de 2020.
- ↑ "Kuressaare, Estonia - Climate Data". Weather Atlas. Consultado o 23 de febreiro de 2025.[Ligazón morta]
- ↑ "Average Weather in Kuressaare, Estonia Year Round". WeatherSpark. Consultado o 23 de febreiro de 2025.
- ↑ "Kliimanormid-Õhutemperatuur" (en estoniano). Estonian Weather Service. Arquivado dende o orixinal o 22 de febreiro de 2012. Consultado o 28 de setembro de 2016.
- ↑ "Kliimanormid-Sademed, õhuniiskus" (en estoniano). Estonian Weather Service. Arquivado dende o orixinal o 22 de febreiro de 2012. Consultado o 28 de setembro de 2016.
Véxase tamén
[editar | editar a fonte] |
Wikimedia Commons ten máis contidos multimedia na categoría: Kuressaare  |
 |
A Galipedia ten un portal sobre: Estonia |
Bibliografía
[editar | editar a fonte]- Поспелов (Pospelov), Е. М. (Ye) (1993). Имена городов: вчера и сегодня (1917–1992). Топонимический словарь [Nomes de cidades: onte e hoxe (1917–1992). Diccionario toponímico] (en ruso). Moscova: Русские словари.
