Bungeref

Bungeref
Déi al Bungerëffer Schoul
Aussprooch
An anere Sproochen	fr: Bigonville de: Bondorf
Land	Lëtzebuerg
Kanton	Réiden
Gemeng	Rammerech
Buergermeeschter	Myriam Binck (CSV)
Awunner	594
	1. Januar 2023
Fläch	1498,2172 ha
Héicht	487 m
Koordinaten	49° 50’ 58’’ N       05° 47’ 33’’ O

Bungeref ass eng Uertschaft an der Gemeng Rammerech.

Geschichtleches

Bungeref gëtt 1182 fir d'éischt an engem Dokument ernimmt. Bis an d'19. Joerhonnert stoung ee Schlass op der Plaz vun enger fréierer Réimervilla. De leschten Tuerm ass 1830 verschwonnen. Eng Legend dréit ëm e Bruddermuerd: Um Enn vum 12. Jh. hat d'Baronne Anna vu Friedbuerg, dem haitege Buerfelt, do mat hirem Jong a sengem Hallefbrudder gelieft. Aus Jalousie hat de Wolfram säi jonke Brudder ëmbruecht, wat e spéider als Eremit an der Wolwener Klaus ofbéisse sollt. D'Wolframsbich op der Wolwener Klaus erënnert un hien, ewéi och d'Kräiz Buerfiels op der N27.

Bungeref hat och dräimol Kiermes am Joer, déi kleng Blasi- an Donatikiermessen an déi grouss Kiermes op Quirinusdag.

An der Ardennenoffensiv sinn am Duerf 38 Haiser an e puer Scheieren a Schäpp verbrannt. D'Brandkatastrophe war sou schlëmm, well d'Haiser unenee gebaut waren. De 24. Dezember 1944 koum et do zu engem Panzerstroossekampf.

Fréier Gemeng Bungeref

Bis zur Gemengefusioun zur neier Gemeng Rammerech am Joer 1978, war Bungeref eng eegestänneg Gemeng, déi aus de Sektioune Bungeref, a Rommeler Haff bestanen huet. D'Uertschaft Flatzbuer gehéiert zur Sektioun Bungeref.

Uertschaften a Lieu-diten an der fréierer Gemeng

• Uertschaften an der fréierer Gemeng:
  • Bungeref
  • Flatzbuer
  • Bungeref-Poteau
• Lieu-diten an der fréierer Gemeng:
  • Rommeler Haff

Kuckeswäertes

• D'Parkierch vu Bungeref aus dem Joer 1742/43, mat hirem Mobiliar aus där Zäit vum Jean-Georges Scholtus; Zousazinventaire vun de klasséierte Monumenter.
• D'Donatuskapell zu Bungeref
• D'Bungerëffer Millen 3 km nërdlech vu Bungeref op der rietser Säit vun der Sauer.

Interessantes

• An der J.K. Rowling hirem Buch Quidditch Through the Ages, dat se ënner dem Pseudonym "Kennilworthy Whisp" geschriwwen huet, an dat mat der Harry Potter-Serie zesummenhänkt, kënnt eng vun de Quidditch-Ekippe vu Lëtzebuerg ("schonn zanter ëmmer eng staark Quidditch-Natioun"), et sinn dat d'Bigonville Bombers.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Bungeref – Biller, Videoen an Audiodateien

• Offiziell Säit vun der Gemeng Rammerech
• Fusiounsgesetz: Loi du 27 juillet 1978 portant fusion des communes de Arsdorf, Bigonville, Folschette et Perlé (fr)
• Tessy Glodt, Kierchtuermspromenaden: Bungeref
• Wou der Däiwel ass...? Bungeref: Frederik Wember, Naturidylle und Theater um einen Brudermord im Schloss, wort.lu [€], 07.09.2024, gekuckt den 28.10.2025

Bungeref am Mäerz 2009