Прејди на содржината

Young Ace

Од Википедија — слободната енциклопедија
Young Ace
Насловна страница на јулскиот број на Young Ace од 2012 г., издаден од Kadokawa Shoten на 4 јуни 2012 г.
Категориисеинен
Честотамесечно
Прв број4 јули 2009
ПретпријатиеKadokawa Shoten
Земја Јапонија
Јазикјапонски
Мреж. местоweb-ace.jp/youngace/

Young Ace (јап. ヤングエース Јангу есу) — јапонско списание за сеинен-манга, издавано од компанијата Kadokawa Shoten од 2009 г. Списанието излегува на 4 секој месец. Првите девет изданија биле посебни изданија на Gekkan Shonen Ace, и дури со изданието од 3 април 2010 г. списанието станало независно. Young Ace започнал со серијализација на мангата Нов век: Евангелион, која претходно излегувала во Shonen Ace, MPD Psycho и манга-адаптацијата на Летни војни.[1]

Историја

[уреди | уреди извор]

Пред почетокот на издаваштвото

[уреди | уреди извор]

Првиот број на ова списание бил најавен од издавачката компанија Kadokawa Shoten на 23 март 2009 г. во списанието Monthly Shonen Ace. Пред излегувањето на првиот број во книжарниците (како три брошури) и на официјалните мрежни места (во форматот PDF), биле дистрибуирани вкупно 4 прегледни примероци на списанието.

По прекинот на излегувањето на списанието за сеинен-манга Comic Charge, кое го издавала Kadokawa Shoten од март 2007 до јануари 2009 г., во Young Ace продолжила објавата на сериите што излегувале во неа како MPD Psycho, The Kurosagi Corpse Delivery Service, Yakumo Hakkai и други. Исто така, во него била пренесена и мангата Future Diary од списанието Ace Assault, чие издавање било прекинато во март истата година.

На 4 јули 2009 г. компанијата Kadokawa Shoten го издава првиот број на списанието Young Ace, на чија насловна страница било напишано Раѓање на списанието — постариот брат на Shonen Ace!, а се појавила и илустрација за Neon Genesis Evangelion од уметникот Јошијуки Садамото. Главни дела во времето на излегувањето на првиот број биле мангата MPD Psycho (автори Еиџи Оцука и Шоу Таџима) пренесена од Comic Charge, The Disappearance of Nagato Yuki-chan од Пујо, како и манга-адаптацијата на долгометражниот аниме-филм на Мамору Хосода — Летни војни.

  1. ↑ Egan Loo. „Kadokawa to Launch Young Ace Magazine with Eva in July (Update 2)“. Anime News Network (англиски). Архивирано од изворникот на 2019-07-21. Посетено на 2019-01-24.

Надворешни врски

[уреди | уреди извор]