jan Paton
jan Paton (toki Elena la: Πλάτων, Plátōn) li jan sona suli tan ma tomo Asina lon ma Elena pi tenpo pini suli. ona li suli mute tawa tenpo open pi sona sona. sitelen pali suli ona li lipu Politeja (Politeia), li lipu Apolokija (Apología Sokrátous), li lipu Kimajo (Timaios), li lipu Peton (Phaidōn), li lipu Sinposijon (Sympósion).
jan Sokate li pana sona tawa ona. jan Paton li pana sona tawa jan Alitotele.
tan sitelen jan Paton la, mi mute li sona e sona Sokate. jan Sokate li kama moli tan nasin lawa pi jan ale la, jan Paton li pilin ike mute. tan ni la, jan Paton li pali mute tawa ma tomo pona. (-388_-387) : ona li pali e tomo sona : Akatemo. ona li pana e sona tawa jan pi lawa ma tomo.
jan Paton li toki e ni : "sijelo li tomo moli pi kon" [1]
ijo kon en nasin toki
[o ante | o ante e toki ilo]jan Paton li toki e ma kon. ijo kon ale li lon ma ni. ijo pi ma ni, pi mi lukin li luka, li ijo sitelen ike taso pi ijo kon. tenpo pini la, mi mute li lon ma kon, li lukin e ijo kon. tan ni la, mi mute li ken sona e ijo. ijo sitelen en sona mi mute li lawa e mi mute. sona pini la, mi mute li ken lukin sin e ijo kon. [2]
sitelen pi tomo pimeja ( lipu Polisija, lipu luka tu )
[o ante | o ante e toki ilo]nasin Tijaleketa (nasin pi toki utala) li nasin ni: kon jan li tawa weka tan ijo sitelen, li kama sona e ijo kon lon. jan Paton li sitelen lawa e ni: jan mute li pini lon tomo pimeja. ona li ken ala weka tan sinpin. sitelen pimeja li lon sinpin ni. jan mute li pilin e ni: sitelen pimeja ni li ijo lon [3]
- ↑ jan sitelen: Chloé Salvan. lipu: Les 30 plus grands philosophes. Éditions ESI, tenpo sike 2011, lipu lili [4].
- ↑ jan sitelen: Chloé Salvan. lipu: Les 30 plus grands philosophes. Éditions ESI, tenpo sike 2011, lipu lili [4-5].
- ↑ jan sitelen: Chloé Salvan. lipu: Les 30 plus grands philosophes. Éditions ESI, tenpo sike 2011, lipu lili [5].
