Reising M50
| Reising Model 50 | |
|---|---|
 Ur bistolenn-vindrailher Reising M50 | |
| Kinnig | |
| Bro |  Stadoù-Unanet Amerika |
| Doare | Pistolenn-vindrailher damaotomatek / aotomatek |
| Mont en-dro | Tennata dre argil daleet |
| Munision | .45 ACP .22 LR (stumm M65) |
| Bloavezh krouidigezh | 1940 |
| Produer | Harrington & Richardson |
| Mare produiñ | 1941 - 1945 |
| Pouez ha muzulioù | |
| Mas (hep kartouchenn) | 3,1 kg |
| Hirder | 895 mm |
| Hirder ar c'hanol | 279 mm |
| Perzhioù all | |
| Tizh mont e-maez ar boledoù | 280 m/s |
| Lusk-tennañ | 550 tenn/mn |
| Endalc'h | Karger fiñv 12, 20 pe 30 kartouchenn |
| Lezenn | |
| Rummad e Bro-C'hall | A |
Ar bistolenn-vindrailher Reising a zo bet ijinet ha brevetaet gant Eugene Reising e 1940, ha produet gant an embregerezh armoù stadunanat Harrington & Richardson (H&R) e Worcester (Massachusetts). Implijet eo bet gant an arme stadunanat e-pad an Eil Brezel-bed, dindan an anv M50, evit pourveziañ soudarded al linennoù a-dreñv kentoc'h[1].
Deskrivadur hag implij
[kemmañ | kemmañ ar vammenn]
Ur bistolenn-vindrailher dezhi daou vod-tennañ eo (damtomataek hag aotomatek), savet tro-dro d'ur wikefre luziet evit ar mare, dre argil berr daleet ha gant ur gulasenn vlodet. Kambret e oa he stumm orin e .45 ACP, ur munision hag a veze implijet e armoù standart all an arme stadunanat evel ar bistolenn Colt M1911 pe ar bistolenn-vindrailher Thompson. Endalc'h standart karger an M50 Reising a oa 20 kartouchenn, met reoù 12 tenn a voe produet evit ar pleustriñ ivez[2]. Krammenniñ a rae buan, hag an nebeud a esaeoù kaset ganti da vare emgannoù Guadalcanal e-mesk ar Marines ne zeujont ket a-benn da gendrec'hiñ an arme stadunanat[1]. Diwar neuze e voent roet kentoc'h da servijoù surentez an arme pe d'ar polis, peogwir e oa dereat he mont en-dro en un endro kêr[2]. Ouzhpenn 100 000 skouerenn a oa bet savet e-kerzh an Eil brezel-bed, hag a voe implijet dreist-holl gant gwarded-aod SUA. Un nebeud skouerennoù all a zafaras luioù Kanada, URSS, ha lod eus an nerzhioù kevredet all evit stourm a-enep nerzhioù an Ahel[3].
Stummoù
[kemmañ | kemmañ ar vammenn]Pevar stumm disheñvel eus an arm a voe savet :
- an hini diazez, ar Model 50 ;
- ar Model 55, dezhi ul lamm plegus ;
- unan damaotomatek hepken, ar Model 60[4], savet evit an nerzhioù surentez da gentañ ;
- hag ur stumm pleustriñ e .22 Long Rifle anvet Model 65[2].
Daveennoù
[kemmañ | kemmañ ar vammenn]- 1 2 (fr) McNAB Chris, Armes à feu Encyclopédie visuelle, L'Imprévu, 2022, pp.214-215
- 1 2 3 (en) POPENKER Maxim, Reising M50 M55, Modern Firearms (lennet d'an 09/02/2025)
- ↑ Thomas B. Nelson, The World's Submachine Guns, TBN Enterprises, 1963
- ↑ Robert C. Ankony, "The US .45 Model 50 and 55 Reising submachine gun and Model 60 Semiautomatic Rifle," Small Arms Review, Jul.2008.
| ||||||||||||||||||||||||||
.svg){kind=small}
.svg){kind=small}
