Edukira joan

Cecilia Roth

Wikipedia, Entziklopedia askea
Cecilia Roth

(2024)
Irudi gehiago
Bizitza
Jaiotzako izen-deiturakCecilia Edith Rotenberg Gutkin
JaiotzaBuenos Aires, 1956ko abuztuaren 8a (70 urte)
Herrialdea Argentina
 Espainia
Familia
AitaAbrasha Rotenberg
AmaDina Rot
Ezkontidea(k)Fito Páez  (1992 -  2001)
Haurrideak
Hezkuntza
Hizkuntzakgaztelania
Jarduerak
Jarduerakaktorea, zinema aktorea eta jantzi-diseinatzailea
Jasotako sariak
IMDB: nm0005386 Allocine: 10345 Allmovie: p61744 Edit the value on Wikidata

Cecilia Rotenberg Rot, Cecilia Roth bezala ezagutua, (Buenos Aires, Argentina 1956ko abuztuaren 8a – ) zinema, antzerki eta telebistako aktore argentinarra da. Ariel Rot musikariaren arreba da eta Dina Rot abeslari, pianojole eta musikologoaren alaba. Espainiar nazionalitatea ere badu.[1]

Aktorearen karrera 16 urterekin hasi zen, eskolako ikasketak egiten zituen bitartean. 1975ean, Juan Jose Jusiden No toquen a la nena eta Sergio Renanen Crecer de golpe filmetan parte hartu zuen, eta horrela, gero hamarkada eta mugetan zehar zabaldu zen ibilbide baten hasiera markatu zuen.

Bi urte geroago, Roth Espainian kokatu zen, eta han bere talentua José Luis Garci, Pedro Masó eta Juan José Porto zuzendariek estimatu zuten. Iván Zuluetaren Arrebato (1979) filmean parte hartzeak egile-zineman kultuzko figura bihurtu zuen, eta hori 1980an berretsi zen, Pedro Almodóvarrekin lankidetza emankorra hasi zuenean, Pepi, Luci, Bom y otras chicas del montón (1980), Laberinto de pasiones (1982) eta Entre tinieblas (1983) film ikonikoetan protagonista izan zen eta. Todo sobre mi madre (1999) filmean egindako emanaldiak, Oscar saria irabazi zuen filmak, Emakumezko Aktore Onenaren Goya saria eta Emakumezko Aktore Onenaren Europako Zinema Saria jaso zituen, saria jaso zuen argentinar eta latinoamerikar bakarra bihurtu zuen. [2]

Bere filmografiaren artean, Martin (Hache), Una noche con Sabrina Love, Kamchatka, Dolor y gloria eta El Ángel film txalotuak daude. Telebistan, Atreverse telebista zikloan aktore lanak egiten hasi zen. Ondoren, Mujeres asesinas telesaileko bi ataletako protagonista izan zen, eta Tratame bien telesaileko protagonista. Horri esker, Martín Fierro Saria irabazi zuen, Emakumezko aktore unitario eta/edo miniserie onenaren kategorian.

Platino Sarien XI. edizioan, Rothek Ohorezko Saria jaso zuen, aktore gisa egindako ahalegin eta dedikazioarengatik, baita mundu mailako zinema iberoamerikarraren historian egindako ekarpen eta ordezkaritza garrantzitsuarengatik ere.

Bizitza

[aldatu | aldatu iturburu kodea]

Aita, Abrasha Rotenberg, ukrainar jatorriko judua da, 1930eko hamarkadan Buenos Airesen finkatu zena, non idazle, editore eta kazetari lanetan aritu zen. Ceciliaren ama, Dina Gutkin Saposnik, Dina Rot ezizenez ezaguna, abeslaria zen, Mendozan jaio zen eta haurtzaroa Txileko Santiagon igaro zuen.[3] Neba Ariel Rot musikaria da eta Espainian bizi da.

Aktore ibilbidea

[aldatu | aldatu iturburu kodea]

Jaioterrian hasi zen aktore lanetan, harik eta 1976an Espainian ezarri zen arte, azken diktadura zibiko-militarretik ihesi, espainiar nazionalitatea ere eskuratu zuen.[4] 1989 eta 1992 bitartean Gonzalo Gilekin ezkonduta egon zen, ondoren Fito Páez kantautore argentinarrarekin ezkondu zen eta bikoteak Martin izeneko semea adoptatu zuen.[5] Bikotea 2001ean banandu zen.

Argentinan lan egiteari ez dio utzi, nahiz eta espainiar zineman arrakasta handia lortu duen José Luis Garciren Las verdes praderas, Iván Zuluetaren Arrebato eta Pedro Almodóvarren Laberinto de pasiones pelikuletan agertu zenetik.

Bere pelikula garrantzitsuenen artean, Adolfo Aristarainen Un lugar en el mundo eta Martín (Hache) nabarmendu behar dira, baita Almodovarren Todo sobre mi madre filmean egin zuen protagonista lana ere. Bi zuzendariekin emakumezko aktore onenaren Goya sari bana jaso zuen.

Telebistan Por amor, Arnaldo André eta Marita Ballesterosekin batera; Nueve Lunas; eta Laura eta Zoe unitarioak, Susú Pecorarorekin batera, Epitafios, Julio Chávez eta Leonardo Sbaragliarekin batera, eta Tratame bien, berriro ere Chávezekin batera.

Roth eta Diego Peretti En Terapia telesailaren hirugarren denboraldian.

Zinema eta telebista egiteaz gain, Argentinan zein Espainian antzerkia egiten ere jardun du. 2013tik 2014ra Philippe Blasbanden Una relación pornográfica obran lan egin zuen, Dario Grandinettirekin batera.

Argentinako Arte eta Zientzia Zinematografikoen Akademiaren sortzaileetako bat izan zen, eta bigarren presidenteordea lehen zuzendaritza batzordean. 2022an Espainiako Zinema Akademiaren Urrezko Domina jaso zuen.[6]

Lanak

[aldatu | aldatu iturburu kodea]
Roth Mar del Platako Zinemaldian 2022an.

Zinema

[aldatu | aldatu iturburu kodea]

Hona hemen aktoreak zineman parte hartu zuen lan aipagarrienetako batzuk:

Telebista

[aldatu | aldatu iturburu kodea]

Antzerkia

[aldatu | aldatu iturburu kodea]
  • Una relación pornográfica (2013-2014)
  • Amor, dolor y qué me pongo (2010)
  • Días contados (2006-2007)
  • ¡Disparatos en Varieté! (2006)
  • "Relaciones Peligrosas" (1992)

Narrazioak

[aldatu | aldatu iturburu kodea]
  • Atlántico sur (2015-2016)

Roth fikzioan

[aldatu | aldatu iturburu kodea]

2023an Fito Páezen bizitzari buruzko Netflix-en serie biografikoa estreinatu zen, El amor después del amor, eta bertan Cecilia Roth Daryna Butryk aktore ukrainar-argentinarrak interpretatu zuen.[7]

    Erreferentziak

    [aldatu | aldatu iturburu kodea]

    Kanpo estekak

    [aldatu | aldatu iturburu kodea]
    "https://eu.wikipedia.org/w/index.php?title=Cecilia_Roth&oldid=11873861"(e)tik eskuratuta