Mar Amarelo

Mar Amarelo
Nome orixinal 黄海 (zh-cn) 황해 (ko)
Instancia de mar  Parte de océano Pacífico Mar da China  Epónimo amarelo
Características  Conéctase con Mar da China Oriental
Localización  País República Popular da China Corea do Sur Corea do Norte  País da cunca República Popular da China Corea do Norte Corea do Sur  Afluente do lago Geumgang Daliao River (en) Shu River (en) Yalu River (en) Rio Ch'ŏngch'ŏn (pt) río Liao Yeongsan River (en) Rio Han (pt) Yihe (en)  Mapas  Coordenadas 35°N 123°L
Cifras e dimensións  Profundidade    152 m  Superficie    380.000 km²  Volume    17 km³
Fontes e ligazóns VIAF 247262397 Freebase /m/0df4f  Descrito pola fonte Dicionario Enciclopédico Brockhaus e Efron  Tema: Q24395147 The Nuttall Encyclopædia The New Student's Reference Work  Tema: The New Student's Reference Work/Yellow Sea (en) Limits of Oceans and Seas, 3rd edition (en) Enciclopedia militar Sytin  Tema: Q25376500 Pequeno dicionario enciclopédico de Brockhaus e Efron  Tema: Q24734841
Wikidata C:Commons

O mar Amarelo ou Mar Occidental é a parte norte do mar da China, que á súa vez é un mar menor do océano Pacífico. Atópase entre a China continental e a península de Corea. O seu nome provén das partículas de area que lle dan esa cor característica e que chegan do río Amarelo.

A baía máis interior do mar Amarelo recibe o nome de mar de Bohai (antes coñecido coma baía de Pechihli ou baía de Chihli). Aquí desembocan o río Amarelo (a través da provincia de Xandón e a súa capital Jinan) e o Hai He (a través de Beixín e Tianxín).

A baía de Liaodón, entre a provincia chinesa de Liaonín e o noroeste de Corea do Norte tamén fai parte do mar Amarelo. O mar de Bohai e a baía de Liaodón están separados pola península de Liaodón, con Dalian no seu punto máis ó sur.

Contorno

As marismas intermareais do mar Amarelo son de grande importancia para a migración das aves e dos paxaros de praia. As investigacións sinalan que esta área é o espazo máis importante para este tipo de paxaros limícolas na súa migración cara ó norte en todo o voo Asia Oriental - Australasia, por onde como mínimo pasan de cada vez dous millóns de aves e a metade na migración cara ao sur.

Xeografía

A extensión setentrional do Mar Amarelo chámase Baía de Corea.

O Mar Amarelo é un dos catro mares nomeados co termo dunha cor común, os outros son o Mar Negro, o Mar Vermello e o Mar Branco.

Extensión

A Organización Hidrográfica Internacional define os límites do Mar Amarelo (que tamén se coñece como "Hwang Hai") do seguinte xeito:

"No sur". O paralelo de 33° 17' norte desde Saisyu To (Quelpart) [agora coñecido como Jeju-do] á China continental.

"No sueste". Desde o extremo occidental de Quelpart ata Ka Nyo ou illa Pinnacle Oeste (34°13'N) no grupo Mengoru, desde alí cara ao punto norte de Oku To (34°22'N), ata a punta oeste das illas Small South Stone (Syo-Zyonan To) e a punta norte da illa Great South Stone (Zyonan To) (34°24'N) ata un punto da costa da Tin To (34°25'N) ao longo da costa noroeste desta illa ata o extremo norte da mesma, e desde alí nunha liña cara ao nordés cara á parte continental de Tyosen (Corea).

Véxase tamén

Bibliografía

• Barter, M.A. (2002). Shorebirds of the Yellow Sea - importance, threats and conservation status. Wetlands International Global Series 9. International Wader Studies 12. Canberra.
• Barter, M.A. (2005). Yellow Sea - driven priorities for Australian shorebird researchers. pp. 158–160 in: "Status and Conservation of Shorebirds in the East Asian - Australasian Flyway". Proceedings of the Australasian Shorebird Conference, 13-15 de decembro de 2003, Canberra, Australia. International Wader Studies 17. Sydney.