Yari 2010a

La yari 2010a esis yardeko qua komencis ye la 1ma di januaro 2010 e finis ye la 31ma di decembro 2019.

La globala varmesko pluintensigesis dum ca yardeko, e kelka klimatala fenomeni - sikeso, inundadi, uragani, tifoni - e granda incendii dum epoki di sikeso divenis plu violentoza.

Supervido

Ca yardeko komencis sub l'efekti de la mondala financala krizo qua komencis en 2008 e diminutis l'ekonomii di multa landi. En Europa, politiki di austereso afektis precipue Portugal, Republiko Irlando, Grekia e Hispania.

La yardeko segun kontinento

Europa

• 22ma di julio 2011 - En Oslo, Norvegia, du terorist ataki produktas plu kam 90 morti.

Azia

• 11ma di marto 2011 - Ter-tremo kun forteso 9.1 che la skalo di Richter frapas Japonia, nome provinci Iwate, Miyagi e Fukushima, ed efektigas granda ondego. Segun posa statistiki, la dizastro produktis 15 894 morti, 6 152 plusa homi vundita, e 2 562 desaparinta. Dum la sequanta dii, eventas altra ter-tremi qui desfaciligos la salvo di viktimi. Tri nukleara reaktori domajesas en Fukushima e likos radioaktiva materii qui kontaminos vicina regioni. La personi qua habitis 10-kma radiusa zono de la reaktoro Fukushima Daini e 20-kma radiusa zono de la reaktoro Fukushima Daiichi mustos evakuesar.
• 17ma di decembro 2011 - Kim Jong-il, lor chefo di Nord-Korea, mortas. Ilua filiulo Kim Jong-un sucedas lu.

Afrika

• 9ma di julio 2011 - Sud-Sudan nedependanteskas de Sudan.
• 14ma di februaro 2018 - Jacob Zuma renuncas prezidanteso di Sudafrika, pos 9 yari en la povo.

Nord-Amerika e Karibia

• 28ma di septembro til la 9ma di oktobro 2016 - Uragano Matthew efektigas granda destruktado che Karibiana regiono e humanala katastrofo che Haiti, ed anke devastis multa loki di Florida e Sudal Karolina en Usa.
• 8ma di novembro 2016 - Donald Trump elektesas prezidanto di Usa.
• 25ma di novembro 2016 - Fidel Castro mortas en Kuba evanta 90 yari.
• 10ma di oktobro 2019 - Miguel Días-Canel divenas prezidanto di Kuba.

Sud-Amerika

• 31ma di oktobro 2010 - Dilma Rousseff elektesas kom unesma prezidantino di Brazilia.
• 22ma di junio 2012 - En Paraguay, Fernando Lugo subisas akuzo-proceso e revokesas de la povo.
• 12ma di mayo 2016 - Dilma Rousseff subisas akuzo-proceso en Brazilia e revokesas de la povo. Michel Temer, lor lua vice-prezidanto, asumas la povo.
• 15ma di decembro 2017 - Peruana kongreso komencas akuzo-proceso kontre Pedro Pablo Kuczynski. Tamen, ye la 21ma di decembro sam yaro, pro nesuficanta quanto di voti por aprobar l'akuzo, la proceso finas.
• 21ma di marto 2018 - Pos nova akuzo-proceso e skandali, Pedro Pablo Kuczynski renuncas la prezidanteso di Peru.
• 28ma di oktobro 2018 - Jair Bolsonaro elektesas prezidanto di Brazilia.

Oceania

• Pro la forta sikeso eventinta en 2019 en Australia, multa incendii destruktis centi di kilometri quadrata di vejetantaro e produktis 34 morti en la lando. Sydney e Melbourne kovresas da granda nubi di atmosferala polutajo.