Kaskinen

Kaskinen (veps. i suom.)
Kaskö (roč.)
	Lidnanznam;
Valdkund	Suomenma
Eläjiden lugu (2024)	1,238 ristitud
Pind	175,36 km²
Pämez'	Markku Lumio; (tal'vku 2022—)
Telefonkod	+358-
Aigvö	tal'vel UTC+2,; kezal UTC+3

Kaskinen (mugažo suomen kelel, virktas [ˈkɑskinen], roč.: Kaskö) om Suomenman lidn, lidnankund da meriport valdkundan suvipäivlaskmas. Se om valdkundan i Pohjanma-agjan kaikiš penemb lidnankund eläjiden lugun mödhe.

Istorii

Ročinman Gustav III-kunigaz pani lidnan alust Kaskinen-sarehe vl 1785. Se om jäl'gmäine pandud Suomenmaha lidn Ročinman ohjastusen aigan. Lidnan suim pučihe ühtištusespäi Närpes-lidnanke vn 2019 kül'mkus ühesal änel kahesad vaste.

Kaskinen šingotase kalan edheotandoil («Oy Sonnfish Ab», «Kuivaniemen Kala Oy») i meriportal.

Geografijan andmused

Lidn sijadase agjan suvipäivlaskmas, Botnižen lahten merikaran saril i kontinental.

Matkad agjan Vas-keskushesai om kahesakümne kaks' kilometrad pohjoižhe orhal vai 94 km avtol, Hel'sinki-pälidnhasai om 317 km suvipäivnouzmha orhal vai 364 km avtotedme. Lähembaižed lidnad oma Kristiinankaupunki vižtoštkümnes kilometras suvipäivnouzmha orhal vai 30 km avtotedme, i Närpes 15 km pohjoižhe-pohjoižpäivnouzmha avtol vai raudtel. Raudte ühtenzoitab Seinjogi-lidnanke.

Vn 2022 andmusiden mödhe lidnankundan pind om 175,36 km², sidä kesken kuivma — 10,63 km², vezi i sokaz tahond ottas 0,15 km², meri om 164,58 km².

Tobmuz

Kaskinenan municipaline suim kogoneb seičemetoštkümnes ezitajaspäi.

Edeližed lidnan pämehed oma Minna Nikander (radoi vn 2017 tal'vkuspäi), Marlene Svens (radoi vn 2017 sügüz'kuhusai).

Eläjad

Vl 1980 lidnan eläjiden lugu oli 1 914 ristitud (kaikiš suremb ristitišt vspäi 1980), vl 2000 — 1 564 ristitud, vl 2010 — 1 429 ristitud, vl 2020 — 1 250 ristitud. Kaik 1 238 eläjad oli lidnas vl 2024. Läz kaik ristitud (99,3 %) elädas lidnankundan keskuses.

Kodikelen mödhe (2016): suomen kel' — 64,1 %, ročin kel' — 29,2 %, toižed keled — 6,7 %.