Ulvil

Ulvil
Ulvila (suom.)
Ulvsby (roč.)

Lidnanznam
Valdkund	Suomenma
Eläjiden lugu (2024)	12,421 ristitud
Pind	422,51 km²
Pämez'	Mikko Löfbaka (reduku 2019—, Mikko Löfbacka)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Ulvil (suom.: Ulvila [ˈulʋilɑ], roč.: Ulvsby) om Suomenman lidn da municipalitet valdkundan suvipäivlaskmas. Mülüb Sadakund-agjaha, sen koumanz' lidnankund seičemespäi eläjiden lugun mödhe. Porin suvipäivnouzmaine ezilidn.

Istorii

Eländpunkt oli lidnaks vll 1365−1558. Valdkundan koumanz' lidn vanhuden mödhe i üks' kudes lidnaspäi keskaigas. Kadoti torguindkeskusen znamoičendad Porin alusenpanendan jäl'ghe vl 1558. Municipalitet sai lidnan statusad tošti vl 2000. Mülütihe Kullaa-kundad lidnha vl 2005.

Ulvil šingotase kaikenaigaižiden NdFeB-magnitoiden da niiden komponentoiden tegimel (Saksanman «Vacuumschmelze»-koncernan «Neorem Magnets Oy»), leibäntegimel, «Satamaito»-kompanijan maidtegimel, tegimištzonal Porin röunal (vas'kentegimed, avtomatikan da toižen elektrotehnižen produkcijan edheotandad). Ende Friitala-nahktegim radoi lidnas mugažo, muzei jäi sišpäi.

Geografijan andmused

Lidn sijadase agjan keskuzpalan päivlaskmas, Kokemäenjogen randoil, istorine keskuz sijadase jogen oiktal randal.

Ulvil röunatab agjan Pori-keskusenke (meriport) lodehes, matkan sen keskuzpalahasai om kahesa kilometrad lodeheze kaikil teil. Matkad Hel'sinki-pälidnhasai om 217 km suvipäivnouzmha orhal, 234 km avtotedme vai raudtedme. Toine lähembaine lidn om Harjavalt 21 km suvipäivnouzmha avtol. «Tampereh — Pori»-raudte i «Helsinki — Pori»-avtote läbitadas lidnad.

Vn 2022 andmusiden mödhe lidnan ühthine pind om 422,51 km², sidä kesken kuivma — 400,82 km², vezi da sokaz tahond ottas 21,69 km².

Tobmuz

Ulvilan municipaline suim kogoneb 27 ezitajaspäi.

Jukka Moilanen radoi lidnan edeližen pämehen (reduku 2012 — reduku 2019).

Eläjad

Vl 1980 kundan eläjiden lugu oli 12 809 ristitud, vl 2000 — 14 118 ristitud, vl 2010 — 13 606 ristitud, vl 2020 — 12 864 ristitud. Kaikiš suremb kundan ristitišt oli 14 490 eläjad vl 1995. Ristituiden nell' videndest eläb lidnankundan keskuses.

Mamankelen mödhe (2016): suomen kel' — 98,2 %, ročin kel' — 0,3 %, toižed keled — 1,5 %.

Galerei

• 
  Ph. Olafan jumalanpert' kellčuhundusenke Ulvilas (om saudud vll 1495−1510), vn 2007 nägu
• 
  Friitalan škol (2014)
• 
  Friitalan sild Kokemäenjoges päliči vl 2012

Irdkosketused

• Lidnan ohjastusen sait (ulvila.fi). (suom.)